1 Corinthians 16:6 - De Beebaa Dabu

⁶ gai dagu hai au e maua naa i de damaa noho ange i oodou daha, aabe e noho i oodou daha ga odi ai de masavaa hagamagalili, gai goodou ga bale mai ai au i dogu hano e hagadaga saele, e dee hilihili be go hee oogu e hano aagena.

1 Corinthians 16:6 Referans Kwoze

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Romans 15:24

Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha.

Titus 3:12

De masavaa naa huu o Artemas aabe go Tychicus e dae adu ai, gai koe hagamoolau humai gi dae mai goe gi ogu daha i Nicopolis, go hiidinga au gu hagatau bolo e noho i kinei ga ui ai de masavaa hagamagalili.

2 Corinthians 1:16

Au ne hagatau e hanadu laa oodou daha, i dogu masavaa e hano ai gi Macedonia, ma de ahe mai gi oodou daha i dogu ahe mai i Macedonia, gai goodou ga bale mai ai au i dogu hano gi Judea.

1 Corinthians 16:11

Gai gi deai se goodou e hagangadi mee ina ia. Gai balea ange ga hai ia gi ahe mai i de baba, gi maua ai e ia i de humai gi dae mai gi ogu daha, go hiidinga au e tali ia gi ahe mai madali denga daina ange laa.

Acts 28:11

Dua e dolu malama, gai gimaadeu ne kage i dahi vaga e daula laa i de modu laa i de masavaa hagamagalili; de vaga nei se moni niio de gau Alexandria. Madaa moni e hagadagodo ange gi biho o luu diinonga go Castor ma Pollux, gilaau se maasanga.

Acts 27:12

Gai go hiidinga taulanga laa e dee danuaa ange gi de masavaa hagamagalili, deelaa ai, de baasi soa o dangada ne hagataba bolo gilaadeu ga hagatale de hulo gi tae gi Phoenix, se mommee iai dahi daulanga i Crete, e huli gi dai ngaage ma dai ngaiho.

Acts 21:5

Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo.

Acts 20:38

Gilaadeu gu kona mmao de hinangalosaa i hiidinga dana tala ange gi gilaadeu bolo gilaadeu e dee gidee ange naa donu ia. Gai gilaadeu ne hulo ga kave ia gi de vaga.

Acts 17:15

Gai dangada ne hulo laa madali Paul ne kave ia ga dae gi Athens, gai gilaadeu ga aahe gi Berea ga kave muna a Paul ange gi Silas ma Timothy, gilaau gi loomai gi ono daha i de masavaa moolau.