1 Corinthians 16:16 - De Beebaa Dabu

¹⁶ goodou daudali i muna a de gau bee nei aama dangada alodahi e balea ma de hai hegau madali gilaadeu.

1 Corinthians 16:16 Referans Kwoze

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

1 Thessalonians 5:12

Denga daina, gimaadeu e dangidangi adu goodou gi hagadubulia gilaadeu e hagaduu ngae ma e hai hegau i oodou magavaa, ma de dagi goodou i lodo o Tagi Maolunga aama de agoago adu goodou.

3 John 1:8

Deenei ai, e heohi donu taadeu bale ange de gau bee nei, gi maua ai e gidaadeu i de hai hegau madali gilaadeu i de mee abodonu.

Revelation 2:3

Koe ne hagaduu ngae ga golomagi oo lodo ma de lodo mmahi i de hagaduasala i hiidinga o dogu ingoo, koe tee ahe donu doo lo taane.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

1 Timothy 5:17

Denga dagi e kana ange laa i alaadeu hegau, gi laumalie ange delaadeu hagadubu, gai go gilaadeu donu e daalaa ma de agoagona muna a de Maadua e kii ange delaadeu hagadubu.

1 Thessalonians 2:9

Denga daina, goodou manadua demaadeu hagaduu ngae ga hai hegau i oodou magavaa! Gai gimaadeu ne hai hegau i de boo ma de laangi gi dee hagadaemaha ina ai e gimaadeu dahi goodou i de masavaa amaadeu e tala adu ai de longo danuaa a de Maadua gi goodou.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

Philippians 4:3

Au e dangidangi adu hogi gi de goe, dogu soa hai hegau i de mee abodonu, balea ange luu haahine naa, go hiidinga gilaau ne hagaduu ngae ga hai hegau madali au i hegau o de longo danuaa, madali Clement ma ogu soa hai hegau ange laa, go gilaadeu gu daohi olaadeu ingoo i de beebaa o de mouli.

Ephesians 5:21

Goodou hagadau hagadubu i oodou magavaa i doodou maatagu i Klisdo.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

1 Corinthians 3:9

Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.

Romans 16:12

Dagu hagaboo ange gi Tryphena ma Tryphosa, go luu hine e mmahi i de hai ange gi Tagi Maolunga. Dagu hagaboo ange gi ssoa hagamogomogo go Persis, go de hine e hagaduu ngae ma e hai hegau ange gi Tagi Maolunga.

Romans 16:9

Dagu hagaboo ange gi Urbanus, tangada nogo hai hegau ange gi Klisdo madali gimaadeu, aama dogu soa hagamogomogo go Stachys.

Romans 16:6

Dagu hagaboo ange gi Mary, e hagammahi laa ma e hai hegau adu gi goodou.

Romans 16:3

Dagu hagaboo ange gi Priscilla ma Aquila, luoogu soa hai hegau i lodo o Klisdo Iesu.

1 Chronicles 12:18

Gai de Hagasaalunga o de Maadua gu hano iho gi honga o Amasai, tagi o tinodolu, gai ia ne hai ange: “David, gimaadeu e dau adu gi de goe! Tama a Jesse, gimaadeu madali goe! Koe gi noho baba, koe gi noho baba, gai gi nnoho paba dangada e balea adu goe, gai doo Maadua gu balea adu goe.” Gai David ga abodonu ange gi gilaadeu, ga hai gilaadeu gi dagina denga hagabuulinga hebagi.

Ecclesiastes 1:3

Ni aha a tangada e mau i hegau alodahi aana e hagaduu ngae ma e hai i lalo de laa?

Hebrews 13:24

Dagu hagaboo ange gi oodou dagi alodahi ma dangada alodahi o de Maadua. Dangada ne loomai laa i Italy e gaavadu hogi delaadeu hagaboo gi goodou.