1 Corinthians 16:11 - De Beebaa Dabu

¹¹ Gai gi deai se goodou e hagangadi mee ina ia. Gai balea ange ga hai ia gi ahe mai i de baba, gi maua ai e ia i de humai gi dae mai gi ogu daha, go hiidinga au e tali ia gi ahe mai madali denga daina ange laa.

1 Corinthians 16:11 Referans Kwoze

1 Timothy 4:12

Gai koe gi dee dugua ange dahi dangada gi hagangadi mee ina goe i hiidinga koe goi gauligi huu, gai koe gi se hagaago danuaa ange gi gilaadeu e hagadonusia, i au muna, ma au ngalungalue, ma doo aloha, ma doo gai, aama doo gilimalali.

Acts 15:33

Gai dua delaadeu nnoho i kilaa i hanu laangi, gai denga daina ga hai gilaadeu gi hulo i de baba, gi daho dangada ne haia laa gilaadeu gi loomai. [

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.

1 Corinthians 16:10

Gai de masavaa naa huu o Timothy e dae adu ai gi oodou daha, gai goodou diiloo abodonu ange gi de ia, i hiidinga ia se daane hogi e haia hegau a Tagi Maolunga bei ogu dagodo.

1 Corinthians 16:6

gai dagu hai au e maua naa i de damaa noho ange i oodou daha, aabe e noho i oodou daha ga odi ai de masavaa hagamagalili, gai goodou ga bale mai ai au i dogu hano e hagadaga saele, e dee hilihili be go hee oogu e hano aagena.

3 John 1:6

Gilaadeu ne tala ange gi de nohoanga dabu i kinei dagodo o doo aloha ange gi gilaadeu. Gai koe dagidiiloo hogi balea ange gilaadeu, i delaadeu masavaa e maalanga ai e hulo, i de hai e hagamalangilangi ai de Maadua.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

2 Corinthians 1:16

Au ne hagatau e hanadu laa oodou daha, i dogu masavaa e hano ai gi Macedonia, ma de ahe mai gi oodou daha i dogu ahe mai i Macedonia, gai goodou ga bale mai ai au i dogu hano gi Judea.