1 Corinthians 16:10 - De Beebaa Dabu

¹⁰ Gai de masavaa naa huu o Timothy e dae adu ai gi oodou daha, gai goodou diiloo abodonu ange gi de ia, i hiidinga ia se daane hogi e haia hegau a Tagi Maolunga bei ogu dagodo.

1 Corinthians 16:10 Referans Kwoze

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

1 Thessalonians 3:2

gai ga hai taadeu daina go Timothy gi hanadu gi oodou daha, ia se dangada hai hegau hogi niio de Maadua ange gi de longo danuaa o Klisdo madali gimaadeu, gai ia ga hagammahi adu ai goodou ma de hai gi lo taane goodou i oodou kai,

1 Corinthians 4:17

Aanei hiidinga aagu ne hai ai naa Timothy gi hanadu gi oodou daha, ia se dama hagamogomogo gai e hai hegau i de mee abodonu i lodo o Tagi Maolunga. Gai ia ga hagamaanadu adu ai gi goodou dagodo o dogu mouli i lodo o Klisdo, bei dagu hai ne agoago ai laa mee nei i denga nohoanga dabu i mommee alodahi.

Romans 16:21

Timothy, dogu soa e hai hegau laa madali au, e gaavadu hogi dana hagaboo gi goodou, aama denga daane Ssuu go Lucius, ma Jason aama Sosipater.

1 Thessalonians 4:12

Noo goodou e hai mee nei, gai goodou e hagadubulia ai naa i daho olaadeu e dee hagadonusia, aagai goodou e dee duasala hogi i dahi mee.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

2 Corinthians 1:1

Mai i daho Paul, tangada tala o Klisdo Iesu, bei dagodo de hagatau a de Maadua, aama taadeu daina go Timothy. Ange gi de nohoanga dabu o de Maadua i Corinth, aama dangada alodahi o de Maadua i Achaia.

1 Corinthians 16:11

Gai gi deai se goodou e hagangadi mee ina ia. Gai balea ange ga hai ia gi ahe mai i de baba, gi maua ai e ia i de humai gi dae mai gi ogu daha, go hiidinga au e tali ia gi ahe mai madali denga daina ange laa.

Acts 19:22

Gai ia ne hai gi hulo e dogolua daane e balea ange ia, go Timothy ma Erastus, gi Macedonia. Aagai ia ne noho i Asia i dahi damaa masavaa.

Acts 16:1

De masavaa huu o Paul ne dae ai gi Derbe ma Lystra, gai ia gu hedae ange gi dahi dama daane gu hagadonusia laa, dono ingoo go Timothy, dono dinana se hine Ssuu gu hagadonusia, aagai dono damana se daane Greek.