1 Corinthians 15:8 - De Beebaa Dabu

⁸ Gai ia ne hakide mai hogi gi de au i de hanonga hagaodi. Au e bei dagodo o tama ne haanau i mua de odi ange ono malama.

1 Corinthians 15:8 Referans Kwoze

1 Corinthians 9:1

E aha, au e dee se dangada ilaage? Gai au e dee se dangada tala? Gai e aha, tee gidee e au Iesu taadeu Dagi Maolunga? Gai e dee goodou hua o agu hegau i lodo o Tagi Maolunga?

Acts 26:16

Aagai koe hidi duu gi lunga. Go hiidinga au ne hakide adu gi de goe e hili ai goe gi se dangada hai hegau gai gi se dangada e daalaa hagadonu mee aau gu gidee, aama mee aagu gu dai hagaago adu gi de goe.

Acts 22:18

gai au ne gidee Tagi Maolunga e hai mai gi de au, ‘Hagamoolau hano gee i Jerusalem, go hiidinga dangada i kinei e dee hagadonu naa donu au muna e tala hagadonu ange ai au.’

Acts 18:9

Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu;

Acts 9:17

Aagai Ananias ne hano ga ulu i de hale laa ga dugu ange luoono lima gi honga o Saul, ga hai ange, “Dogu daina go Saul, Tagi Maolunga, go Iesu ne hakide adu laa gi de goe i honga de haiava, ia ne hai au gi humai gi gide ai goe ma de hhao gi honu i de Hagasaalunga Dabu.”

Acts 22:14

Gai ia ga hai mai, ‘De Maadua o odaadeu maadua madagidagi gu hili goe e hagaago adu ono lodo gi de goe, ma de hai gi gidee e goe de Ia Heohi laa, ma de hai gi langona e goe dono leo.

Acts 22:6

“Gai de masavaa oogu ne hano ai ga baa ange gi Damascus i daha de hualaangi, aagai dahi maalama gu hano iho i de langi ga hagamaalama de mommee oogu iai laa.

Acts 26:12

“Au ne hano hogi gi Damascus i ssauaa mai i daho de gau haimeedabu maolunga e hai ai mee nei.