1 Corinthians 15:51 - De Beebaa Dabu

⁵¹ Tilo, au e tala adu dahi mee e dee iloo laa: E dee odi naa donu gidaadeu alodahi i de maakau, aagai gidaadeu alodahi e odi naa donu i de sui —

1 Corinthians 15:51 Referans Kwoze

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

1 Corinthians 15:20

Aagai se muna abodonu Klisdo ne mouli age donu i de magau, go ia de hua i taamada i dangada gu maakau laa.

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

1 Corinthians 4:1

Gai tangada gi iloo de mee nei, gimaau ni dangada hai hegau niio Klisdo, gai ni dangada gu dugu ange aagena mee a de Maadua e dee iloo laa.

1 Corinthians 15:6

Muli mai gai ia ne hakide ange hogi gi e limalau duumaa daina i dahi hanonga, de baasi soa o de gau nei goi mouli huu, aagai hanu gu maakau.

1 Corinthians 2:7

Aagai gimaadeu ne agoago i de heiangi o de Maadua e dee iloo laa, gai se heiangi e hagammuni, go de heiangi a de Maadua ne hagasauaa i mua taamada o de masavaa, gi maua ai e gidaadeu de mahamaha.

Ephesians 5:32

De mee e dee iloo laa e hai ngadaa mmao i de tonu ange aagena, aagai au e hagadaba bolo de mee nei e tala dagodo o Klisdo ma de nohoanga dabu.

Ephesians 3:3

go de mee e dee iloo laa ne hagaago mai ai gi de au, bei dagu hai gu sisi adu ai hanu ono dagodo.

1 Corinthians 15:18

Gai dangada alodahi gu maakau laa i lodo o Klisdo e dee hagamouli hogi.

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

2 Corinthians 5:2

Gidaadeu e duasala i taadeu nnoho i lo te hale nei, gai e kona mmao taadeu llodo e kahu i odaadeu mommee nnoho i de langi,

2 Corinthians 5:4

De masavaa odaadeu e mouli ai i lo te hale malo nei, gai gidaadeu e duasala ma de daemaha — e dee go hiidinga gidaadeu e llodo gi gaavee gee odaadeu angaanga nei, aagai gidaadeu e llodo e kahu i de hale ange laa, gai de angaanga magaugau nei e sui naa ga se angaanga e mouli.