1 Corinthians 15:3 - De Beebaa Dabu

³ Gai au e tala adu gi goodou de mee hagamogomogo hugadoo, bei dagu hai ne kave ai: Klisdo ne magau i odaadeu haisala bei dagodo muna a de Beebaa Dabu,

1 Corinthians 15:3 Referans Kwoze

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

Galatians 1:4

Iesu Klisdo ne gaavange dono mouli i hiidinga odaadeu haisala, gai ia ga hagaola ai gidaadeu mai i de masavaa o de baubau go iainei, bei dagodo lodo o taadeu Maadua ma Tamana.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

Galatians 1:12

Gai au tee kave mai i daho dangada, aabe se mee niiagu ne agoago ai i daho dahi dangada; aagai se mee ne hagaago mai gi de au i daho Iesu Klisdo.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Romans 4:25

Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Ezekiel 3:17

“Tama a tangada, au gu hili goe gi se dangada dagitilo niio de gau Israel; gai de masavaa naa huu aau e langona ai agu muna e tala adu, gai koe ga hagakana ange ai gilaadeu.

Ephesians 5:2

Goodou hai hegau i de aloha, bei de aloha o Klisdo i gidaadeu, ia ne gaavange dono mouli i odaadeu hiidinga, e hai ai ssigidaumaha nnamu kala ange gi de Maadua.

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

1 Corinthians 11:23

Gai agu muna gu tala adu gi goodou go agu muna donu hogi ne kave mai i daho Tagi Maolunga: de boo o Tagi Maolunga go Iesu ne gaavange ai, gai ia ne poo mai dahi pelaoaa,

Acts 3:18

Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa.

John 1:29

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

Ephesians 1:7

Gai ia ne hagaola gidaadeu i ono dodo, ma de degi mai gi odaadeu haisala, bei dagodo de abodonu laumalie o de Maadua,

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Romans 3:25

De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua.

Matthew 26:28

go hiidinga mee nei go ogu dodo, go dodo o de hagatoo donu hagaheloongoi, ne hagassali laa i hiidinga o dangada soa, e tala ai haisala.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

Hebrews 5:3

Gai go hiidinga ia e baageaa hogi, deelaa ai, ia e hai hogi ssigidaumaha e tala ai ono haisala donu aama haisala o dangada ange laa.

Hebrews 5:1

Tangada haimeedabu maolunga ne hili mai i magavaa o dangada, ma de dongi ange gi suuia ai dangada i mada i mua o de Maadua, ma de gaavange mee ngadi gaavange ma de hai sigidaumaha ange gi haisala.

1 Corinthians 11:2

Au e tuhi goodou i hiidinga goodou goi manadua huu au aama de daohi mee aagu gu lava i de agoago adu ai goodou.

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Matthew 26:24

Tama a Tangada e hano naa donu bei de hai gu sisi ai ono dagodo, aagai e vakaa naa tangada e gaavange Tama a Tangada! E danuaa ange noo ia tee haanau.”

Luke 24:25

Gai Iesu ga hai ange gi gilaau, “Goodou ni dangada llodo ssenga, aama de mmule doodou hagadonusia mee alodahi a denga pelaabisi gu tala!

Acts 8:32

Gai de mommee a taane laa nogo dau i de Beebaa Dabu deenei: “Ia e bei dagodo o ssiibi e dagi laa e kave e daa gi magau, ma ssiibi e dee dangi laa i de masavaa e duuduu ai ono huluhulu, gai ia e dee hhanga donu dono ngudu.

Acts 17:2

Gai a Paul e hano gi lo te synagogue bei ana hegau i de laa tubua, gai ia ne madaangudu ange gi gilaadeu i muna a de Beebaa Dabu i e dolu Sabbath,