1 Corinthians 14:8 - De Beebaa Dabu

⁸ Gai noo de trumpet e dee ili gi heohi, gai goai ai naa donu e hagadabena ange gi de hebagi?

1 Corinthians 14:8 Referans Kwoze

Numbers 10:9

Gai de masavaa naa huu oodou e hebagi ange ai gi oodou hagadaumee i honga doodou henua donu, gai goodou ga ili hagapodo luu trumpet laa, gi manadua ai e Tagi Maolunga doodou Maadua goodou, gai ia ga hagaola ai goodou mai i oodou hagadaumee.

Jeremiah 4:19

Au gu duasala mmao, au gu duasala mmao, gai gu kona mmao dogu mmae! Au gu dee baba mmao ogu lodo! Gai gu bonabona age ogu lodo. Au gu dee maua i de noho donu ga dee muu. Go hiidinga au gu langona de ili de hanga manu, au gu langona de hagailoo o de hebagi.

Amos 3:6

E aha, dangada e dee maatagu laa i de masavaa e ili ai de hanga manu i lo te aduhale? E aha, e maua gi dae mai de hai ngadaa gi dahi aduhale, noo e dee dugua ange e Tagi Maolunga?

Joel 2:1

Ilihia de hanga manu i Zion, gai ilihia i honga dogu mounga dabu. Gai dangada alodahi i honga de henua gi maatagu, i hiidinga de laangi o Tagi Maolunga e dae mai naa. Gai gu baa mai donu —

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

1 Corinthians 14:7

Gai e bei ai hogi dagodo o denga mee hagadangidangi bei de flute aabe go de harp: dee hee de hai a dangada e iloo ai be se daahili bee hee gu hagadangidangi ai laa, noo e dee ili be tale gi molomolo?