1 Corinthians 14:3 - De Beebaa Dabu

³ Aagai deenei tagodo, tangada e basa pelaabisi, e hai ga hagadagadaga age dangada ma de hagammahi olaadeu lodo, aama de hagaaneane ange gilaadeu.

1 Corinthians 14:3 Referans Kwoze

1 Corinthians 14:12

Gai e bei ai hogi oodou dagodo; go hiidinga goodou e llodo mmao i duuhanga mai i daho de Hagasaalunga, deenei ai, goodou hagammahi gi kii ange doodou maua i de hai gi hagadagadaga age de nohoanga dabu.

1 Timothy 4:13

Gai koe gi kana ange daulia muna o de Beebaa Dabu i madamada o dangada, ma de tala muna nei ga agoago ai, ga dae ai gi dogu dae adu.

Jude 1:20

Aagai goodou, ogu daina hagamogomogo, goodou hagadau hagammahi ina goodou i de gai e dabu mmao laa, ma de dalodalo i ssauaa o de Hagasaalunga Dabu.

Titus 1:9

Ia gi maua i de daohi de muna abodonu oona gu agoago ai laa, gi maua ai e ia i de hagammahi ange dangada i agoago abodonu aama de hagakana ange gilaadeu e hai baasi ange gi mee nei.

Ephesians 6:22

Aanei hiidinga aagu ne hai ai nei ia gi hanadu gi oodou daha, gi iloo ai e goodou omaadeu dagodo, gai ia ga hagammahi adu ai hogi oodou lodo.

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

Titus 2:6

Gai koe gi agoagona ange hogi denga dama daane gilaadeu gi maua i de dugu iho olaadeu lodo.

1 Corinthians 14:31

Gai goodou alodahi e maua i de agoago, gai goodou hagasolo, gi maua ai e goodou alodahi i de ago dahi mee ma de hagammahi oodou lodo.

1 Corinthians 14:26

Denga daina, dee hee ai tagodo o mee i doodou masavaa e hagabuni ai? Dahi dangada e hai dahi daahili, e dahi se agoago, e dahi dangada e dahi ana mee e hagaago adu, dahi e basa i denga hagadaagangaa muna, aabe e hagadonu muna laa. Gai haia mee alodahi gi hagadagadaga age ai alodahi.

Romans 14:19

Deenei ai, gidaadeu ga hagaduu ngae e nnoho hagabuni i de baba ma de hagadau hagammahi odaadeu lodo.

Acts 13:15

Gai dua huu de dau o de hainga ma muna a denga pelaabisi, gai denga dagi o synagogue ga aalu ga hai ange gi gilaadeu, “Denga daina, noo e hanu oodou muna e hagalodo mmahi ange ai dangada, gai goodou daalaa mai.”

Titus 2:9

Agoagona ange de gau hai hegau dee ilaage gilaadeu gi daudali i lodo olaadeu dangada aamua, ma de hagamalangilangi gilaadeu i mee alodahi, aagai gi dee hagadaumee ange gi gilaadeu.

1 Thessalonians 2:3

Gai demaadeu hagakana ange adu goodou tee hai i de mee e dee heohi, aabe gimaadeu ne hagatale de hagasenga goodou;

1 Corinthians 10:23

“Au e alaange i de hai mee alodahi,” — gai e dee go mee alodahi e haigamaiana mai gi de au. “Au e alaange i de hai mee alodahi,” — gai e dee go mee alodahi e maua i de hai gi hagadagadaga age tangada.

1 Peter 5:12

Gai go Silvanus, de ia aagu e hagabinga laa bolo se daina e hai hegau i de mee abodonu, ne balea mai au ga sisi ai de leda bodobodo nei. Au ne lodo e hagammahi adu goodou ma de tala adu bolo deenei donu de abodonu o de Maadua. Goodou tuu gi makaga i de mee nei.

Hebrews 13:22

Denga daina, au e dangidangi adu goodou gi golomagi ina oodou lodo i agu muna e bale adu ai goodou, go hiidinga e sogoisi donu huu agu muna e sisi adu.

Hebrews 10:25

gidaadeu gi dee dilia taadeu hagabuni e daumaha, bei dagodo hegau a hanu, aagai gi hagadau hagammahi ina goodou, i doodou gidee bolo de Laangi laa gu baa mai donu.

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.

1 Timothy 6:2

De gau hai hegau o tangada aamua gu hagadonusia laa gi dee hagangadi mee ina ia, i hiidinga ia gu se daina, aagai gi kii ange delaadeu hai hegau danuaa ange gi de ia, go hiidinga dangada e hagadanuaa i alaadeu hegau ni dangada gu hagadonusia, gai ni daina hagamogomogo donu hogi niiolaadeu. Koe gi agoagona mee nei ma de hagammahi ange dangada gi hai hegau ai.

1 Timothy 1:4

gilaadeu gi dee anga ange gi denga daalanga hhadu ma hagatau o denga atangada. Mee nei e hai gi dee buni dangada, e dee bale ange hegau a de Maadua e daamada mai laa i de gai.

2 Thessalonians 3:12

Gimaadeu e hai ange gi dangada e haia mee nei, ma de dangidangi ange gi gilaadeu i de ingoo o Tagi Maolunga go Iesu Klisdo, gilaadeu gi hai hegau e hagadanuaa ai donu gilaadeu.

1 Thessalonians 4:18

Deenei ai, goodou hagadau hagaaneane i muna nei.

1 Thessalonians 4:1

Aanei amaadeu muna hagaodi: denga daina, gimaadeu e iloo bolo goodou e hagamalangilangi donu de Maadua i oodou mouli, gai gimaadeu e dangidangi adu gi goodou i hiidinga o taadeu Dagi Maolunga go Iesu Klisdo, goodou haia gi kii ange doodou hai de mee nei, bei de hai amaadeu gu agoago adu ai goodou.

1 Thessalonians 3:2

gai ga hai taadeu daina go Timothy gi hanadu gi oodou daha, ia se dangada hai hegau hogi niio de Maadua ange gi de longo danuaa o Klisdo madali gimaadeu, gai ia ga hagammahi adu ai goodou ma de hai gi lo taane goodou i oodou kai,

1 Thessalonians 2:11

Goodou e iloo hogi bolo gimaadeu ne hai hegau adu gi goodou bei dagodo o tamana ange gi ana dama;

Colossians 4:8

Au ne hai ia gi hanadu gi oodou daha gi iloo ai e goodou omaadeu dagodo, gai ia ga hagammahi adu ai oodou lodo.

Ephesians 4:29

Goodou aude daalaa hanu muna baubau i oodou ngudu, aagai goodou daalaa donu huu muna danuaa e hagammahi ina lodo o dangada, ma de heohi ange gi de masavaa, ma de bale ange ai gilaadeu e langona.

2 Corinthians 2:7

deenei ai, goodou degi ange gi de ia ma de hagaaneane ina ono lodo, gi dee kona ai dono daemaha.

2 Corinthians 1:4

Ia ne hagaaneane gimaau i omaau daemaha alodahi, gi maua ai hogi e gimaau i de hagaaneane lodo o dangada e daemaha laa, bei de hai a de Maadua gu hagaaneane mai ai gimaau.

1 Corinthians 14:17

Koe e maua i de hagaahe ange de abodonu i de hai nei, aagai au muna e dee maua i de hai gi hagadagadaga tangada ange laa.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

Romans 15:2

Dahi ma dahi gi hagamalangilangi ina tangada ange laa gi danuaa ange ai gi tangada ange laa, gai gi hagadagadaga age ai dono gai.

Romans 12:8

tangada e hagammahi ina lodo o dangada, gi hagammahi ina ange lodo o dangada; tangada e ngadi gaavange mee, gi lodo mmahi i de ngadi gaavange mee; tangada se dagi gi hagaduu ngae gi dagina; gai tangada e abodonu ange laa gi dangada, gi abodonu ange gi dangada i de malangilangi.

Acts 15:32

Gai luu daane pelaabisi go Judas ma Silas, ne daulooloa hogi delaau pasa ange ga hagammahi ange lodo o denga daina.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

Acts 9:31

Aagai denga nohoanga dabu alodahi i Judea ma Galilee aama Samaria gu nnoho paba ma de hagadagadaga age. Gilaadeu gu hai hegau i de madagu i Tagi Maolunga ma de hagaaneane i daho de Hagasaalunga Dabu, gai gilaadeu gu hagadaga ange donu de soa.

Luke 3:18

E lagolago muna a John ne hagammahi ange ai lodo o dangada aama de agoago ange gilaadeu i de longo danuaa.

Hebrews 3:13

Aagai goodou hagadau hagammahi ina goodou i laangi alodahi, i de masavaa goi hagabinga ai bolo go “anailaa nei,” gai dahi ma dahi gi dee hagamakaga ina ono lodo, i dono hagasengalia i de haisala.

Acts 4:36

Gai Joseph, taane e hagaingoo ange laa go Barnabas (e bei go “taane e hagammahi ina ange lodo o dangada”) gai se dangada de aamuli o Levi mai i Cyprus,