1 Corinthians 14:2 - De Beebaa Dabu

² Go hiidinga tangada e basa i denga hagadaagangaa muna, e dee basa ange gi dangada, aagai e basa ange gi de Maadua. Gai e deai donu dangada e tonu ange gi ana muna; gai ia e tala mee e dee iloo laa i ssauaa o de Hagasaalunga.

1 Corinthians 14:2 Referans Kwoze

Mark 16:17

Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee;

Acts 19:6

Gai de masavaa huu a Paul ne dugu ange ai luoono lima gi olaadeu elunga, gai de Hagasaalunga Dabu gu hano gi olaadeu elunga. Gai gilaadeu ga pasa i denga hagadaagangaa muna ma de pasa pelaabisi.

Acts 10:46

Gai gilaadeu gu langona dangada i kilaa gu pasa i denga hagadaagangaa muna, gai gilaadeu ga tuhi de Maadua. Gai Peter ga hagadaba,

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

1 Corinthians 2:10

aanei mee a de Maadua gu hagaago mai gi gidaadeu i daho dono Hagasaalunga. Go hiidinga de Hagasaalunga e tilo gi iloo mee alodahi, aama mee donu hogi a de Maadua e hai ngadaa laa i de iloo.

Revelation 10:7

Aagai laangi naa huu a togohidu dangada de langi e ili ai dana trumpet, gai mee a de Maadua e dee iloo laa e hagassula donu, bei dana hai gu hagaago ange ai gi ono dangada hai hegau go denga pelaabisi.”

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

1 Timothy 3:9

Gilaadeu gi daohia dagodo o de gai nogo dee iloo laa i tagi o de lodo e gilimalali.

Colossians 2:2

Au e hai de mee nei e hagalo taane ange ai olaadeu lodo ma de buni i de hagadau aaloha, gi honu danuaa ai delaadeu tonu ange ma de iloo de hagatau a de Maadua e dee iloo laa, go Klisdo.

Ephesians 6:19

Gai dalodalo hogi i ogu hiidinga, gi gaamai ai gi de au agu muna e tala ma de lo taane i dogu masavaa e agoago ai mee o de longo danuaa e dee iloo laa,

1 Corinthians 15:51

Tilo, au e tala adu dahi mee e dee iloo laa: E dee odi naa donu gidaadeu alodahi i de maakau, aagai gidaadeu alodahi e odi naa donu i de sui —

1 Corinthians 2:7

Aagai gimaadeu ne agoago i de heiangi o de Maadua e dee iloo laa, gai se heiangi e hagammuni, go de heiangi a de Maadua ne hagasauaa i mua taamada o de masavaa, gi maua ai e gidaadeu de mahamaha.

Romans 16:25

Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,

Acts 22:9

Denga daane ne hulo laa madali au ne gidee de maalama laa, aagai gilaadeu tee tonu ange gi de leo ne basa mai laa gi de au.

Mark 4:11

Gai ia ga hai ange gi gilaadeu, “Gu dugu adu gi goodou de maua i de tonu ange, gi mee o de nohoanga hodooligi o de Maadua, e dee iloo laa. Aagai e tala ange donu huu gi gilaadeu i tua i muna hagasengasenga,

Matthew 13:11

Iesu ne hai ange gi gilaadeu, “Gu dugu adu gi maua e goodou i de tonu ange gi mee o de nohoanga hodooligi o de langi e dee iloo laa, aagai tigi dugu ange gi gilaadeu.

Psalm 78:2

Au e basa naa i de mee hagasengasenga; au e tala naa mee e dee iloo laa madagidagi,

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Genesis 42:23

Gai gilaadeu tee iloo donu bolo Joseph e donu ange gi alaadeu muna, go hiidinga tangada hagadonu ne hagadonu ange alaadeu muna.

Genesis 11:7

Loomai, gidaadeu ga loiho e hai gi dee heloongoi gilaadeu i alaadeu muna, gi dee maua ai e dahi i de donu ange gi muna a tangada ange laa.”

1 Corinthians 14:16

Gai noo koe e hagaahe ange de abodonu gi de Maadua i doo hagasaalunga, gai dee hee naa de hai o dahi dangada gee hagadaba ai, “Amen,” gai ia e dee donu adu gi au muna?

2 Kings 18:26

Gai Eliakim, tama daane a Hilkiah, ma Shebna, aama Joah ne hai ange gi de Rabshakeh, “Gimaadeu e dangidangi adu, basa mai gi gimaadeu, oo dangada hai hegau i muna Aramaic, go hiidinga gimaadeu e tonu ange aagena. Koe gi dee basa mai i muna Hebrew, go hiidinga dangada i honga de buibui e langona au muna.”

1 Corinthians 12:10

gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

1 Corinthians 13:1

Noo au e maua i de basa i hagadaagangaa muna a dangada aabe go muna a de gau de langi, aagai e deai se aloha i ogu daha, gai au e bei dagodo o de baalanga e hagalongaa laa, aabe go de cymbal e hagailiili laa.

1 Corinthians 14:26

Denga daina, dee hee ai tagodo o mee i doodou masavaa e hagabuni ai? Dahi dangada e hai dahi daahili, e dahi se agoago, e dahi dangada e dahi ana mee e hagaago adu, dahi e basa i denga hagadaagangaa muna, aabe e hagadonu muna laa. Gai haia mee alodahi gi hagadagadaga age ai alodahi.