1 Corinthians 13:5 - De Beebaa Dabu

⁵ De aloha e dee hagangadi mee dangada; e dee maanadu donu huu ia; e dee moolau de lili, gai e dee golo age de baubau.

1 Corinthians 13:5 Referans Kwoze

1 Corinthians 10:24

Tangada gi dee saalaa donu huu de mee e danuaa ange gi de ia, aagai ia gi saalaa hogi de mee e danuaa ange gi tangada ange laa.

James 1:19

Denga daina hagamogomogo, goodou gi iloo de mee nei: dahi ma dahi gi moolau dana hagallongo, aagai gi dee moolau dono basa aabe go dono lili,

Philippians 2:21

De gau ange laa alodahi e ssala donu huu olaadeu mee e llodo ai, e dee go mee o Iesu Klisdo e lodo ai laa.

Philippians 4:8

Denga daina, aanei agu muna hagaodi: mee naa huu ni mee abodonu, ma mee e heohi de hagadubu, ma mee e heohi, ma mee gilimalali, ma mee e tilo danuaa, ma mee hagallongo danuaa, ma mee danuaa, ma mee e heohi i de tuhi, goodou hagasaelea mee nei.

Galatians 5:13

Denga daina, goodou ne hagahia ange gi de ilaage; aagai goodou gi dee haia oodou ilaage gi haia ai lodo o de angaanga, aagai goodou gi hagadau bale i de aloha.

1 Corinthians 12:25

gi dee hagadau hai baasi ai mee o de angaanga, aagai gi hagadau bale i olaadeu magavaa.

2 Corinthians 5:19

deenei tagodo, de Maadua ne hagadanuaa olaau magavaa ma henua i lalo i daho Klisdo, ia tee dau ange olaadeu haisala gi gilaadeu, gai gu dugu mai gi gidaadeu gi agoagona dagodo o de hagadanuaa magavaa.

1 Corinthians 10:33

bei dagu hai gu hagatale ai laa de hagamalangilangi dangada alodahi i agu mee alodahi e hai; au e dee ssala donu huu de mee e danuaa mai gi de au, aagai go de mee e danuaa ange gi dangada soa, gi hagamouli ai gilaadeu.

1 Corinthians 11:18

Gai deenei tahi mee oodou e hai: de masavaa o de nohoanga dabu e hagabuni ai, gai au gu langona bolo e hanu hagabuulinga i oodou magavaa e hagadau hai baasi; gai au e dai hagadonusia donu muna nei.

Matthew 5:22

Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Luke 7:39

Gai de masavaa huu a de Pharisee laa ne gidee ai mee gu hai laa, gai ia ga maanadu i ono lodo ga hagadaba, “Noo se pelaabisi abodonu taane nei, gai ia e iloo donu dagodo o de hine e boogia ange nei ia. Ia se hine haisala!”

Mark 3:5

Gai Iesu ga galogalo saele ga tilo gilaadeu ma de lili, ia gu daemaha i hiidinga de makaga olaadeu lodo, gai ia ga hai ange gi taane laa, “Haalo ina doo lima!” Gai taane laa ga haalo dono lima, gai dono lima gu ieiangi.

2 Thessalonians 3:7

Goodou gu iloo donu be dee hee doodou hai e ago mai ai i omaadeu mouli. Gimaadeu tee ngadi nnoho i de masavaa omaadeu ne nnoho ai i oodou daha,

1 Corinthians 7:36

Noo dahi daane e maanadu bolo gu dee heohi dono hai e ngalungalue ange ai gi de bua moe oona gu hagababa laa aagena, gai noo ia gu dee maua i de daohi dono lodo i tamaa hine laa, gai e danuaa donu delaau hai bodu; gai ia e dee haisala.

Matthew 9:4

Aagai Iesu gu iloo e ia alaadeu maanadu, gai ia ga hai ange, “Gu aha goodou gu maanadu baubau ai naa i oodou lodo?

Isaiah 3:5

Dangada e hagadau vaivai daakodo naa i olaadeu magavaa, dahi dangada e vaivai hai tangada ange laa ma tangada e baa ange gi de ia. De gauligi e hai baasi ange naa gi tangada madumadua, tangada maolalo e hai baasi ange naa gi tangada hagadubu.

2 Samuel 10:3

gai dagi o de gau Ammon ga hai ange gi Hanun, delaadeu dangada aamua, “E aha, koe e maanadu bolo David ne hai gi loomai ono daane gi hagaaneane ina oo lodo, e hagadubu ai doo damana? Gai ia tee hai nei gilaadeu gi loomai e tilo dagodo aama de mulidagi de aduhale, gai ia ga hagadee kii ai de aduhale?”

2 Timothy 2:10

Deenei ai, au e lodo mmahi i de hagauda mee nei alodahi, i hiidinga o dangada a de Maadua gu lava laa i de hili, gi maua ai e gilaadeu de hagamouli i delaadeu kai ange gi Klisdo Iesu, ma de mahamaha e deai laa se ngado mai.

Jeremiah 11:19

Au ne bei dagodo o dahi ssiibi daudonu e dagi laa e kave e daa gi magau. Au tee iloo donu bolo gilaadeu gu hagatau e hai baasi mai gi de au, ma de hagataba, “Gidaadeu ga sele de manu nei ma ono hua; gidaadeu ga aau gee ia i de henua o dangada e mouli laa, gi deai ai se dangada e manadua ia.”

Proverbs 14:17

Tangada e moolau laa de lili e hai hegau i de lodo senga, gai dangada e kino i tangada e haia hagasaele baubau.

De Beebaa go Job 21:27

Tilo, au e donu ange gi maanadu i oodou lodo, ma oodou hagasaele e hagabaubau ai au.

Numbers 16:15

Gai Moses gu kona mmao de lili, gai ia ga hai ange gi Tagi Maolunga, “Koe gi dee hagadubu ina donu delaadeu sigidaumaha. Tigi ai donu se donkey daudahi aagu ne kave mai i olaadeu daha, aabe gu hai ange dahi baubau gi gilaadeu.”

Numbers 12:3

(Gai Moses se daane daudonu mmao, ia e daudonu ange i dangada alodahi i henua i lalo.)

2 Timothy 4:16

Tahi hanonga ne hagamodu ai ogu muna, gai teai donu se dangada ne balea mai au, gai dangada alodahi ne tili au. Gai de baubau nei gi dee dau ange donu gi gilaadeu!

Numbers 32:6

Aagai Moses ne ssili ange gi de aamuli o Gad ma de aamuli o Reuben, “Goodou e llodo e nnoho i kinei, gai ga tili oodou daina ange laa gi hulo i de hebagi?