1 Corinthians 13:4 - De Beebaa Dabu

⁴ De aloha e golomagi de lodo, ma de abodonu. De aloha e dee lodo gaiaa, e dee tuhi donu huu ia, gai e dee lodo maolunga.

1 Corinthians 13:4 Referans Kwoze

1 Peter 4:8

Gai de mee hagamogomogo hugadoo, go doodou hagadau aaloha, go hiidinga de aloha e haoli denga haisala lagolago.

Ephesians 4:32

Gai goodou gi hagadau abodonu ma de hagadau aaloha, ma de hagadau degi ange gi haisala i oodou magavaa, bei de hai a de Maadua ne degi adu ai laa gi goodou i daho Klisdo.

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

Proverbs 10:12

De kino i dangada e hagahale tee buni o dangada, aagai de aloha e haoli denga haisala alodahi.

1 John 4:11

Ogu soa hagamogomogo, go hiidinga de Maadua ne aloha i gidaadeu, gidaadeu gi hagadau aaloha hogi.

Proverbs 17:9

Tangada e degi ange laa gi haisala o dahi e ssala de hagadau aaloha, aagai tangada adi longo e vvae magavaa o denga hai soa.

1 Peter 3:8

Aanei agu muna hagaodi: goodou alodahi gi buni i de lodo daudahi, ma de hagadau abodonu, ma de hagadau aaloha o denga daina, ma de llodo aaloha ma de llodo maolalo.

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

2 Peter 1:7

gai de hai lodo o de Maadua gi madali de hagadau abodonu o denga daina, gai de hagadau abodonu o denga daina gi madali de aloha.

Ephesians 4:2

i de llodo maolalo alodahi ma de daudonu, ma de golomagi lodo, ma de hagadau golomagi lodo i de aloha.

2 Corinthians 6:6

i de gilimalali, ma de iloo mee, ma de golomagi lodo, ma de abodonu, ma de Hagasaalunga Dabu, ma de aloha abodonu,

Proverbs 19:22

De mee e heohi i de hai go de abodonu; gai e danuaa ange de hagaau aloha o tangada i dono hai ga se dangada hadu muna.

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

1 Corinthians 4:6

Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa.

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

2 Timothy 3:10

Gai koe gu iloo donu dagodo o agu agoago alodahi, ma dogu mouli, ma dagu hagatau, ma dogu gai, ma de golomagi ogu lodo, ma dogu aloha, ma dogu hagaduu ngae i de lodo mmahi,

Proverbs 31:26

Ia e tala ana muna i de heiangi, gai de hainga e dagina ana muna go de abodonu.

Proverbs 31:20

Ia e abodonu ange gi de gau hagaau aloha, ma de ngadi gaavange mee gi gilaadeu e duasala.

Proverbs 17:14

Taamada o de hagadaumee e bei de maoha o dahi bae e daohia vai, deelaa ai, duudia de hagadaumee i mua de daamada.

Nehemiah 9:17

Gilaadeu tee llodo e hagallongo adu, gai tee hagamaanadu i denga hegau hagalele mouli aau ne hai i olaadeu daha, aagai ne hagamakaga olaadeu lodo ga hili dahi dagi e aahe ai gi de mommee olaadeu ne hagahai hegau ina ai i Egypt. Aagai koe se Maadua e degi, ma de abodonu aama de lodo aloha mmao, e dee moolau de lili gai e honu i de aloha; koe tee tili donu gilaadeu.

1 Peter 2:1

Deenei ai, goodou dilia denga maanadu baubau alodahi, ma de hagasenga alodahi, ma de daahanga dangada, ma de magiaa, aama de hai samu alodahi.

Titus 3:3

Go hiidinga i mua gai gidaadeu alodahi ni dangada llodo ssenga, ma tee hagallongo i muna, gai ne daahangadia, ma de noodia i denga hagadaagangaa lodo odaadeu e malangilangi ai. Gidaadeu ne mouli i de kino ma de lodo gaiaa, gai e hai hegau i de lili ma de hagadau kino.

1 Corinthians 3:3

go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada?

Acts 7:9

Aagai odaadeu dubuna hagadubu ne hagao Joseph gi gaavee gi Egypt, i hiidinga delaadeu magiaa. Aagai de Maadua ne noho i ono daha,

Ecclesiastes 10:4

Noo dahi dagi gu lili i de goe, gai koe aude dilia doo duulanga, go hiidinga de daudonu e bale de hagaheohi de haisala laumalie.

Proverbs 13:10

De hagamaolunga e hidi mai ai de hagadaumee, aagai de heiangi e gidee i daho dangada e gaavee muna bale.

Psalm 10:5

Ia e hagadagadaga age i masavaa alodahi; au hagamodu e maolunga mmao, ia e dee gidee donu, ia e hagangadi mee ono hagadaumee alodahi.

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

1 Timothy 6:4

gai ia se dangada hagasoenga hagamaolunga ma teai donu ana mee e iloo. Ia se dangada e lodo e hagadau gaavange ma de hagadaumee i hagadoonunga o denga muna, go mee e hidi mai ai de hagadau llodo gaiaa, ma de hagadau kino, ma de hagadau hagabaubau, ma de hagadau dee hagadonu,

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,

Genesis 37:11

Gai ono daina daane gu magiaa ange gi de ia, gai dono damana ne daohi mee nei i ono lodo.

James 4:5

Goodou e maanadu bolo ni ngadi muna e sisi laa i de Beebaa Dabu, e hai ange, “De Maadua e lodo gaiaa ange mmao i de hagasaalunga aana gu hai laa gi noho i odaadeu lodo”?

1 Corinthians 4:18

Hanu i goodou e hagamaolunga, gilaadeu e maanadu bolo au gu dee hanadu gi oodou daha.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Colossians 2:18

Goodou gi dee dugua ange dahi dangada gi haia gi dee dau goodou, i dana hagammahi adu goodou gi hagamaolalo i de hadu muna, ma de daumaha ange gi denga dangada de langi, ma de tala hanu midi hagaago ange, ga hagasoenga ai i teai hiidinga, i ana maanadu dee heohi.

Philippians 1:15

Hanu e agoago Klisdo i delaadeu llodo gaiaa, ma de llodo e hagadau gaavange, aagai hanu e agoago i de lodo se muna abodonu.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

1 Corinthians 5:2

Gai goodou e hagamaolunga! Gai de mee e heohi doodou hai go de daemaha oodou lodo ma aau gee tangada gu haia de hegau nei mai i oodou magavaa!

Matthew 27:18

Gai Pilate gu iloo bolo, dagi o de gau Ssuu ne gaavange Iesu, i hiidinga delaadeu llodo gaiaa.

Genesis 30:1

De masavaa huu a Rachel ne gidee ai, bolo tigi ai ana dama ange gi Jacob, gai ia gu lodo gaiaa ange gi dono daina hahine. Gai ia ga hai ange gi Jacob, “Haia gi hanu agu dama, kana magau naa huu au!”