1 Corinthians 13:3 - De Beebaa Dabu

³ Noo au e gaavange agu mee alodahi gi de gau hagaau aloha, be e gaavange dogu angaanga e dudu, aagai e deai se aloha i ogu daha, gai e deai donu agu mee e maua i mee nei.

1 Corinthians 13:3 Referans Kwoze

John 15:13

E deai donu se aloha e laumalie ange i de mee nei: go de gaavange a dahi dangada dono mouli, i hiidinga o ono soa.

Matthew 23:5

Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

Luke 18:28

Peter ne hai ange gi de ia, “Gimaadeu gu dugu amaadeu mee hugadoo gai ga daudali adu i de goe.”

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

John 12:43

go hiidinga e kii de tuhi mai i daho dangada i delaadeu llodo ai, i de tuhi mai i daho de Maadua.

Luke 18:22

Gai ga langona huu e Iesu ana muna, gai ia ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

John 13:37

Peter ne ssili ange gi de ia, “Tagi Maolunga, gu aha gu dee maua ai e au i de daudali adu i de goe iainei? Au gu baba ange donu e gaavange dogu mouli i oo hiidinga.”

John 6:63

Go de Hagasaalunga ⌊Dabu⌋ e gaavange de mouli; de angaanga e deai ono haigamaiana. Muna aagu gu tala adu gi goodou go de Hagasaalunga ma de mouli.

Luke 19:8

Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”

Jeremiah 7:8

Tilo, goodou e hagadonu muna hhadu e deai haigamaiana adu gi goodou.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

Isaiah 57:12

Au e tala naa dagodo o oodou heohi ma oodou hegau, gai mee nei e deai naa donu haigamaiana adu gi goodou.