1 Corinthians 13:13 - De Beebaa Dabu

¹³ Mee e dolu nei e dee ngado mai donu: go de gai, ma de tali hagalodolodo, aama de aloha, gai de mee e maolunga hugadoo go de aloha.

1 Corinthians 13:13 Referans Kwoze

1 Corinthians 16:14

Gai goodou haia mee alodahi i de aloha.

Colossians 3:14

Gai hagapunidia ange gi mee nei alodahi de aloha, go de mee e noodia mee alodahi ga hai gi buni abodonu.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

Philippians 1:9

Gai au e dalodalo gi hagadagadaga age oodou aaloha, madali de iloo mee abodonu aama de tonu danuaa ange gi de mee heohi,

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

1 John 2:10

Be goai e aloha i dono daina e noho donu i de maalama, gai e deai donu se mee e haia ia gi haisala.

1 Thessalonians 5:8

Aagai go hiidinga gidaadeu ni dangada niio de laangi, gidaadeu ga dagitilo, ga hagauda de gai ma de aloha bei de mee dau i hadahada, aama de goobai go de tali hagalodolodo ange gi de hagamouli.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

1 Corinthians 8:3

Gai tangada e aloha i de Maadua, se dangada hogi nii de Maadua e iloo.

Colossians 1:27

Gai de Maadua ne hagatau bolo e hai gi iloo e denga Gentile dagodo de laumalie de mahamaha o de mee nogo dee iloo laa, go Klisdo i oodou lodo, go de mahamaha adaadeu e tali hagalodolodo ange laa aagena.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 John 3:9

E deai donu se dangada gu haanau i daho de Maadua e aheahe ange ga haisala, go hiidinga hua o de Maadua e dagodo i ono daha; ia e dee maua donu i de aheahe ange e haisala, go hiidinga ia gu haanau i daho de Maadua.

1 John 3:3

Gai dangada alodahi gu dagodo de tali hagalodolodo nei i olaadeu daha e hai gi gilimalali gilaadeu bei ono dagodo, ia e gilimalali.

1 John 2:14

Denga damana, au e sisi adu mee nei gi goodou, i hiidinga goodou gu iloo donu de ia gu noho mai laa i taamada age. Denga dama daane, au e sisi adu mee nei gi goodou, i hiidinga goodou e mmahi, gai muna a de Maadua e daakodo i oodou lodo, gai goodou gu kii i de ia hagabaubau.

Hebrews 6:19

De tali hagalodolodo nei e dee haisala donu gai e dee ngalungalue, gai go de ataula e hagamakaga ange aagena odaadeu lodo, gai e hano ga ulu gi lo te aabi e mua gi lodo, i baasi lodo o de malo buibui,

2 Timothy 1:7

go hiidinga de Maadua tee gaamai gi gidaadeu de hagasaalunga o de madagu, aagai go de hagasaalunga iai ssauaa ma de aloha, aama de maanetonu.

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

2 Corinthians 5:15

Gai ia ne magau i hiidinga o dangada alodahi, deelaa ai, dangada alodahi e mouli gi dee hagamalangilangi ina donu huu gilaadeu, gai gi mouli e hagamalangilangi ai de ia ne magau ma de mouli age i olaadeu hiidinga.

1 Corinthians 14:1

Goodou hagaduu ngae i de aloha, ma de llodo mmao i denga duuhanga mai i daho de Hagasaalunga, gai gi kii ange doodou llodo i de pasa pelaabisi.

1 Corinthians 3:14

Noo hegau a dahi dangada ne hagaduu ange laa gi honga tagelo laa tee vvela, gai ia e kave naa dahi hagaoanga.

1 John 2:24

Gai goodou daohia mee oodou gu langona mai i taamada. Noo goodou e daohi mee nei, gai goodou e noho i lodo o Tama ma Tamana.

Luke 22:32

Gai au gu dalodalo i de goe gi dee helui ai doo gai. Aagai de masavaa naa huu oou e ahe mai ai, gai koe ga hagammahi ange oo daina.”

Luke 10:27

Taane laa ne hai ange gi de ia, “Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, ma oo mahi alodahi, aama au maanadu alodahi. Gai koe gi aloha i tangada e baa adu gi de goe, bei doo aloha donu i de goe.”

Hebrews 10:39

Aagai gidaadeu e dee bei dagodo o dangada gu aahe dua laa gai gu maakau, aagai gilaadeu e kai e hagamouli donu olaadeu hagasaalunga.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

Romans 15:13

Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.

Hebrews 10:35

Deenei ai, goodou gi dee dilia doodou lodo mmahi; go hiidinga goodou e kave naa donu oodou hagaoanga.

Colossians 1:5

i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,

Psalm 42:11

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.

Psalm 146:5

E manuuia tangada go de Maadua o Jacob dono bale, gai dana tali hagalodolodo go Tagi Maolunga, dono Maadua,

Psalm 43:5

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.