1 Corinthians 13:1 - De Beebaa Dabu

¹ Noo au e maua i de basa i hagadaagangaa muna a dangada aabe go muna a de gau de langi, aagai e deai se aloha i ogu daha, gai au e bei dagodo o de baalanga e hagalongaa laa, aabe go de cymbal e hagailiili laa.

1 Corinthians 13:1 Referans Kwoze

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

1 Peter 4:8

Gai de mee hagamogomogo hugadoo, go doodou hagadau aaloha, go hiidinga de aloha e haoli denga haisala lagolago.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

1 Corinthians 13:8

De aloha e dee helui donu. Aagai denga muna pelaabisi e hagadeai naa donu; de basa i denga hagadaagangaa muna e tuu naa donu; gai de iloo mee e lilo naa hogi.

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

2 Peter 2:18

Gilaadeu e pasa hagassoenga i mee e deai haigamaiana, gai e hai hegau i lodo hakino gee o de angaanga ma e hagasengalia laa dangada, se goodo ola mai laa i daho dangada e mouli dee heohi.

Romans 14:15

Noo dahi oo daina gu daemaha ono lodo, i hiidinga o au mee e gai, gai koe gu dee hai hegau i de aloha. Koe gi dee hagahaisala ina dahi dangada o Klisdo ne magau laa i ono hiidinga i au mee e gai.

Matthew 25:45

Aagai ia e basa ange naa ga hai ange gi gilaadeu, ‘Ni muna abodonu aagu e hai adu nei gi goodou, mee alodahi oodou tee hai ange gi dahi gilaadeu e maolalo nei, gai goodou tee hai mai donu gi de au.’

1 Corinthians 12:8

De Hagasaalunga ne gaavange gi dahi muna o de heiangi, gai dahi go muna o de iloo mee mai i daho de Hagasaalunga mau,

1 Corinthians 12:16

Gai noo talinga e hagadaba, “Go hiidinga au e dee se ganomada, deelaa ai, au e dee dau ange gi de angaanga,” muna nei e dee maua donu i de hai talinga gi dee se diba niio de angaanga.

2 Corinthians 12:4

gai ia ne langona denga mee e dee maua i de pasa ai, gai e dee alaange donu i de tala a dahi dangada daudahi.

Psalm 150:5

duuhia ia i de hagalongaa o denga cymbal; duuhia ia i leo o denga cymbal.

Mark 16:17

Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee;

1 Corinthians 12:10

gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa.

1 Corinthians 14:2

Go hiidinga tangada e basa i denga hagadaagangaa muna, e dee basa ange gi dangada, aagai e basa ange gi de Maadua. Gai e deai donu dangada e tonu ange gi ana muna; gai ia e tala mee e dee iloo laa i ssauaa o de Hagasaalunga.

1 Corinthians 14:4

Tangada e basa i denga hagadaagangaa muna e hagammahi donu huu ono lodo, aagai tangada e basa pelaabisi e hagammahi lodo o de nohoanga dabu.

1 Corinthians 14:5

Gai mee naa goodou alodahi gi maua i de pasa i denga hagadaagangaa muna, gai e kii ange mmao dogu lodo goodou gi pasa pelaabisi. Tangada e basa pelaabisi e maolunga ange i tangada e basa i denga hagadaagangaa muna, deelaa donu huu noo e dahi dangada e hagadonu ina ana muna, e hagammahi ai lodo o de nohoanga dabu alodahi.

Revelation 14:2

Gai au gu langona dahi leo mai i de langi bei de ngolo o denga vai lagolago ma de paa o de hatuli; gai de leo aagu e langona laa e bei de hagadangidangi o denga harp.