1 Corinthians 12:3 - De Beebaa Dabu

³ Deenei ai, au e lodo goodou gi tonu ange bolo e deai donu se dangada e basa i ssauaa o de Hagasaalunga o de Maadua e hagadaba, “Iesu gu hagamalaia!”, gai e deai hogi se dangada e hagadaba, “Iesu go Tagi Maolunga,” noo ia e dee dagi i daho de Hagasaalunga Dabu.

1 Corinthians 12:3 Referans Kwoze

2 Corinthians 3:5

Gai e deai donu se hiidinga e maua ai e gimaadeu i de hagataba bolo dahi mee ne humai i omaadeu daha, gai go de Maadua ne haia ga maua mee nei.

Romans 10:9

Go hiidinga noo koe e tala i doo ngudu bolo Iesu go Tagi Maolunga ma de hagadonusia i oo lodo bolo de Maadua gu hagamouli age ia i de magau, gai koe e hagamouli.

John 13:13

Goodou e hagahi mai Tangada Agoago ma Tagi Maolunga gi de au, gai e heohi donu oodou muna, go au donu.

1 Corinthians 8:6

aagai e dahi donu huu Maadua abodonu, go Tamana ne daamada mai ai laa mee alodahi, gai go ia e daohia odaadeu mouli. Gai e dahi donu huu Dagi Maolunga, go Iesu Klisdo, go de ia ne haia mee alodahi gai go ia hogi e gaamai gi gidaadeu de mouli.

John 15:26

“De masavaa naa huu o de Ia Bale e humai ai, go de ia aagu e hai gi humai i daho Tamana — go de Hagasaalunga o de muna abodonu, e humai laa i daho Tamana — gai ia ga tala hagadonu adu ogu dagodo.

Matthew 22:43

Iesu ne ssili ange hogi gi gilaadeu, “Gai gu aha David gu hagahi ange ai laa ia go ‘de Ia Aamua’, i ssauaa o de Hagasaalunga ⌊Dabu⌋? Ia ne hagadaba,

Mark 9:39

Aagai Iesu ne hai ange, “Goodou aude buibuia ia; go hiidinga e deai donu se dangada e haia dahi sauaa i dogu ingoo, gai muli mai ga tala hanu muna e hai baasi mai ai gi de au.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

Deuteronomy 21:23

gai goodou gi dee dugua dono angaanga gi daudau i de manu laa i de boo laa alodahi. Aagai danumia dono angaanga i de laangi laa donu huu, go hiidinga tangada e daudau i de manu somo gu hagamalaia i daho de Maadua. Deelaa ai, goodou gi dee haia gi hakino gee de henua a Tagi Maolunga doodou Maadua e gaavadu gi goodou gi henua ai.

2 Corinthians 11:4

Gai noo dahi dangada e humai ga agoago adu goodou i dahi Iesu gee ma de Iesu amaadeu gu agoago adu ai goodou, be go dahi hagasaalunga gee ma de Hagasaalunga oodou gu lava naa i de kave, aabe go dahi longo danuaa gee ma de mee oodou gu daohi naa, gai e moolau naa donu doodou daudali aagena.

Romans 9:3

Mee naa go au e hagamalaia ga vvae gee mai i Klisdo e sui ai ogu daina, go ogu dangada i de baasi gi de angaanga.

Revelation 1:10

Gai de Hagasaalunga ⌊Dabu⌋ ne hano iho gi ogu elunga i de laangi o Tagi Maolunga; gai au ne langona dahi leo laumalie bei de leo o de trumpet i ogu dua.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

John 13:14

Noo au, doodou Dagi Maolunga ma doodou Dangada Agoago, gu hhui oodou vae, gai goodou hagadau huuia hogi oodou vae.

Psalm 109:20

Gai gi deenei de hagaoanga a Tagi Maolunga e gaavange gi gilaadeu e hagabaubau ina ogu dagodo, ma gilaadeu e pasa baubau i de au.

Acts 8:37

Philip ne hai ange gi de ia, “Noo koe e hagadonusia i oo lodo alodahi, gai koe e maua donu.” Gai de eunuch ga hai ange, “Au e hagadonusia bolo Iesu Klisdo go Tama Daane a de Maadua.”]