1 Corinthians 12:10 - De Beebaa Dabu

¹⁰ gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa.

1 Corinthians 12:10 Referans Kwoze

1 Corinthians 14:39

Deenei ai, denga daina, goodou llodo i tuuhanga go de pasa pelaabisi, aagai gi dee buibuia tuuhanga o de basa i denga hagadaagangaa muna.

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Mark 16:17

Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee;

Joel 2:28

Muli mai naa huu, gai au e hai naa gi hano iho dogu Hagasaalunga gi honga o dangada alodahi; oodou dama daane ma oodou damaa hine e pasa pelaabisi naa, oodou daane maatua e hai naa denga midi, gai oodou dama daane e hai naa denga midi hagaago ange.

Galatians 3:5

E aha, de ia ne gaavadu gi goodou de Hagasaalunga ⌊Dabu⌋, ma de hai denga mee hagalele mouli i oodou daha, ne hai laa mee nei i dono daudali i de hainga, aabe go hiidinga doodou langona de longo danuaa ga kai ange aagena?

Mark 16:20

Gai ana dangada agoago ne hulo ga agoago i mommee alodahi. Aagai Tagi Maolunga ne hai hegau madali gilaadeu aama de hagadonu alaadeu muna i denga hagailonga alaadeu e hai.]

Revelation 2:2

Au e iloo dagodo o au hegau; koe e hagaduu ngae ma e hai hegau ma de golomagi oo lodo, gai koe e dee malangilangi i de gau baubau, aagai koe gu hagatale dagodo o dangada e hagataba laa bolo gilaadeu ni dangada tala, gai e dee se muna abodonu, gai koe gu gidee bolo gilaadeu ni dangada donu hadu muna.

1 Thessalonians 5:20

gai goodou aude hagangadi mee ina agoago i de basa pelaabisi,

1 Corinthians 13:8

De aloha e dee helui donu. Aagai denga muna pelaabisi e hagadeai naa donu; de basa i denga hagadaagangaa muna e tuu naa donu; gai de iloo mee e lilo naa hogi.

Romans 15:19

ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum,

Romans 12:6

Aagai mee ne ngadi gaamai gi gidaadeu i de abodonu o de Maadua e dagodo geegee, gai gidaadeu gi hagahai hegau ina mee nei: noo go de agoago i de basa pelaabisi, gai gi haia de hegau nei gi bei odaadeu duuhanga i de gai;

Acts 19:6

Gai de masavaa huu a Paul ne dugu ange ai luoono lima gi olaadeu elunga, gai de Hagasaalunga Dabu gu hano gi olaadeu elunga. Gai gilaadeu ga pasa i denga hagadaagangaa muna ma de pasa pelaabisi.

Acts 11:28

Gai e dahi daane i olaadeu magavaa, dono ingoo go Agabus, ne hidi age ga basa pelaabisi i ssauaa o de Hagasaalunga ⌊Dabu⌋ bolo dahi onge laumalie gu dai dae mai gi henua i lalo alodahi; gai de mee nei ne hai i de masavaa o Claudius e dagi ai.

Acts 5:3

Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa?

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

John 16:13

Aagai de masavaa naa huu o de Hagasaalunga o de mee abodonu e humai ai, gai ia ga dagi ange goodou i de mee abodonu alodahi. Gai ia e dee basa i dono sauaa donu huu, gai ia e tala ana mee alodahi gu langona, gai ia ga tala adu ai gi goodou mee gu dai loomai.

John 14:12

Ni muna abodonu, ni muna abodonu, aagu e hai adu nei gi goodou, tangada e hagadonusia ogu dagodo, e hai naa hogi hegau aagu gu hai nei; gai ana hegau e hai e kii ange naa donu de hagalele mouli i mee nei, i hiidinga au ga ahe nei gi daho Tamana.

Luke 24:49

Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.”

Hebrews 2:4

Gai de Maadua ne tala hagadonu hogi mee nei, i denga hagailonga ma mee hagalele mouli ma denga hagadaagangaa sauaa mmahi, aama denga duuhanga mai i daho de Hagasaalunga Dabu, bei dagodo o dana hagatau.

Acts 11:27

Laangi laa gai hanu pelaabisi ne loomai i Jerusalem gi Antioch.

1 Corinthians 11:4

Taane e haolia dono biho e dalodalo ai aabe e basa pelaabisi ai, e dee hagadubu dono biho, ⌊go Klisdo,⌋

1 Corinthians 14:13

Deenei ai, tangada e basa i denga hagadaagangaa muna, gi dalodalo gi maua e ia i de hagadonu ana muna.