1 Corinthians 11:5 - De Beebaa Dabu

⁵ gai de hine e dalodalo aabe e basa pelaabisi gai e dee haoli dono biho e dee hagadubu de biho, go dono bodu, gai e bei donu ia gu lava i de dahi gi malali dono biho.

1 Corinthians 11:5 Referans Kwoze

Deuteronomy 21:12

Gai koe gaavee de hine laa gi doo hale, ga hai ia gi dahia dono biho, ma de duuduu ono angaanga madannia,

Luke 2:36

Gai e dahi hogi hahine pelaabisi, dono ingoo go Anna, se damaa hine nii Phanuel, mai i de aamuli o Asher. Ia gu madumadua i de masavaa laa, gai ia ne hai bodu ange gi dahi daane i e hidu ngadau, mai i de masavaa oona se bua moe ai, gai dono bodu ga magau,

Acts 2:17

‘E hagadaba de Maadua: Denga laangi hagaodi naa huu, gai au e hai naa gi hano iho dogu Hagasaalunga gi honga o dangada alodahi. Gai oodou dama daane ma damaa hine e pasa pelaabisi naa; oodou dama daane e midi naa denga midi hagaago ange, gai oodou daane madumaatua e hai naa denga midi.

1 Corinthians 14:34

denga haahine gi dee muu i lo te hale daumaha. E dee dugu ange gilaadeu gi pasa, aagai gilaadeu gi daudali i hainga a olaadeu bodu, bei dagodo muna o de hainga.

Acts 21:9

Taane nei e dogohaa ana damaa hine tigi hai bodu, gai delaadeu duuhanga hegau go de pasa pelaabisi.

Isaiah 47:2

Haia denga hadu mmili ga mmili ai denga grain gi lligi; hagauia de malo e haoli ai luoo mada. Langaa age oo malo, gi ssula mai ai luoo gauanga, gai koe ga seesee laa lodo saalingaa vai.

1 Corinthians 11:4

Taane e haolia dono biho e dalodalo ai aabe e basa pelaabisi ai, e dee hagadubu dono biho, ⌊go Klisdo,⌋

1 Corinthians 11:6

Noo dahi hahine e dee haoli dono biho, gai ia gi duudia dono biho gi podo. Aagai go hiidinga se mee hagadogaa ange gi de hine dau bodu de tuu gi podo aabe go de dahi gi malali dono biho, gai ia gi haolia dono biho.