1 Corinthians 11:2 - De Beebaa Dabu

² Au e tuhi goodou i hiidinga goodou goi manadua huu au aama de daohi mee aagu gu lava i de agoago adu ai goodou.

1 Corinthians 11:2 Referans Kwoze

2 Thessalonians 2:15

Deenei ai, denga daina, goodou tuu gi makaga ma de daohi muna amaadeu gu agoago adu ai goodou, e dee hilihili be go amaadeu muna e tala adu aabe go amaadeu leda e sisi adu.

1 Corinthians 4:17

Aanei hiidinga aagu ne hai ai naa Timothy gi hanadu gi oodou daha, ia se dama hagamogomogo gai e hai hegau i de mee abodonu i lodo o Tagi Maolunga. Gai ia ga hagamaanadu adu ai gi goodou dagodo o dogu mouli i lodo o Klisdo, bei dagu hai ne agoago ai laa mee nei i denga nohoanga dabu i mommee alodahi.

2 Thessalonians 3:6

Denga daina, gimaadeu e hai adu i de ingoo o taadeu Dagi Maolunga go Iesu Klisdo, goodou gi dee hagabuni ange gi denga daina alodahi e ngadi nnoho laa donu huu, gai e dee daudali i dahulinga oodou gu kave mai i omaadeu daha.

1 Corinthians 15:2

Deenei hogi de longo danuaa oodou ne hagamouli ai, noo goodou e hagammahi ga daohi muna aagu gu agoago adu ai goodou — kana deai haigamaiana doodou hagadonusia.

1 Corinthians 11:22

E aha! Gu deai oodou hale e gaimee ai ma de unu? Aabe goodou se llodo donu e hagangadi mee de nohoanga dabu o de Maadua, ma de hagadookaa dangada e deai alaadeu mee? Gai aahee ai naa agu muna e hai adu gi goodou? Ga tuhi adu au goodou i de mee nei? E deai, au e dee tuhi adu donu goodou.

1 Corinthians 11:17

Aagai au e dee maua donu i de tuhi goodou i agu mee ga tala adu nei, go hiidinga oodou hagabuni e dee hagadaga ange tanuaa, aagai e hagadaga ange de baubau.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

1 Thessalonians 3:6

Iainei gai Timothy gu ahe mai donu ma gu dae mai gi omaadeu daha, gai ia gu tala mai dagodo o oodou kai aama oodou aaloha. Ia gu tala mai hogi bolo goodou goi manadua mai huu gimaadeu, ma de llodo mmao e tilo gimaadeu, bei demaadeu hai e llodo ai nei hogi e tilo goodou.

1 Corinthians 7:17

Gai dahi ma dahi gi noho bei de hai a Tagi Maolunga gu hagamodu ange ai gi de ia, bei de hai a de Maadua gu hagahi ange ai ia. Gai deenei de hainga aagu gu gaavange gi denga nohoanga dabu alodahi.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.