1 Corinthians 10:4 - De Beebaa Dabu

⁴ gai alodahi ne unu hogi i vai mai i de baasi gi de hagasaalunga; gilaadeu ne unu mai i de hadu a de hagasaalunga ne daudali ange laa i gilaadeu, gai de hadu laa go Klisdo donu.

1 Corinthians 10:4 Referans Kwoze

Exodus 17:6

Tilo, au e hano naa e duu i honga de baba i Horeb i oodou mada i mua; gai koe ga hai doo dogo ga hagaili ai de baba, gai denga vai e ssali mai naa i lo te baba e unu ai dangada.” Gai Moses ga hai mee nei i madamada o dagi o de gau Israel.

John 7:37

Gai de laangi hagaodi o taonga, go de laangi maolunga hugadoo, gai Iesu ne duu age ga oo ga hagadaba, “Be goai e hieunu, gai ia gi humai gi unu i ogu daha.

Isaiah 48:21

Gilaadeu tee hieunu i de masavaa olaadeu ne hulo saele ai i de vao; ia ne hai denga vai gi ssali mai lo te baba; ia ne hhanga de baba gai denga vai gu ssali mai ai.

John 4:14

aagai be goai e unumia vai aagu e gaavange gi de ia e dee hieunu ange donu. Gai vai aagu e gaavange gi de ia e hai naa ga se saalingaa vai e sali age laa ga hano gi de mouli e dee ngado mai.”

Psalm 105:41

Ia ne hhuge de baba, gai gu sali mai ai denga vai; gai gu bei dahi saalingaa vai i de vao.

Psalm 78:20

Ia ne hagaili de hadu gai denga vai gu ssali mai ai, gai denga vai ne hagahonu age i kilaa. Aagai e aha, e maua naa e ia i de gaamai adaadeu gai, ma de gaavange giidagi a ono dangada?”

Psalm 78:15

Ia ne hangahanga denga hadu i de vao, ma de gaavange gi gilaadeu vai lagolago bei de moana gelo.

Numbers 20:11

Gai Moses ne hagaabo togo ga hagaili ai de hadu laa i e lua hanonga. Gai gu ssali mai vai lagolago, gai de hagabuulingaa dangada laa ma alaadeu manu ga unu ai.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

Isaiah 43:20

Denga manu lodo henua bei jackal ma ostrich e hagadubu au, go hiidinga au e hai gi hanu vai i de vao, ma saalingaa vai i de mommee e deai vai iai, e hagaunu ai ogu dangada, go gilaadeu aagu ne hili,

Colossians 2:17

Denga dahulinga nei alodahi se ada donu huu niio mee gu dai loomai; aagai de mee abodonu go Klisdo.

Revelation 22:17

Gai de Hagasaalunga ⌊Dabu⌋ ma de Hine gu dai hagahai bodu laa e hagataba, “Loomai.” Tangada e langona muna nei gi hagadaba, “Loomai.” Gai tangada e hieunu gi humai gi unu, gai tangada e lodo gi unumia vai o de mouli e dee hagao laa.

Hebrews 10:1

De hainga se ada donu huu niio mee danuaa gu dai loomai, e dee go de mee abodonu. Deenei ai, sigidaumaha e hai laa i ngadau alodahi, e dee maua donu i de hai gi heohi abodonu gilaadeu e loomai e hagapaa ange gi de Maadua.

Deuteronomy 9:21

Gai au ne kave de kaau goolo oodou ne haisala ai laa ga dudu i de ahi, gai au ga mmili gu ni lehu ga maga ange gi lo te saalingaa vai e hano iho laa i de mounga.

Galatians 4:25

Hagar go de mounga go Sinai i Arabia; ia e hagasengasenga ange gi Jerusalem, go hiidinga gilaadeu ma ana dama ni dangada hai hegau.

Daniel 2:38

ia gu gaavadu gi de goe mommee alodahi e nnoho ai dangada, ma denga manu dolodolo i lodo henua, ma manu llele i lo te langi, ma de hai goe gi hodooligi i honga mee nei alodahi. De biho goolo laa go koe.

Genesis 41:26

De hagadoonunga o denga kaau pedi e hidu laa se hidu ngadau, gai denga gau looloa grain danuaa e hidu laa se hidu hogi ngadau; gai se hagadoonunga daudahi donu huu o luu midi nei.

Genesis 40:12

Gai Joseph ga hai ange gi de ia, “Deenei de hagadoonunga o dau midi: denga laa e dolu laa ni laangi e dolu;

Daniel 7:17

‘Denga manu nnui e haa laa ni nohoanga hodooligi e ssula age i henua i lalo.