1 Corinthians 10:10 - De Beebaa Dabu

¹⁰ Aude nanu, bei dagodo o hanu gilaadeu, gai gilaadeu ne daia ga maakau e tangada de langi o de magau.

1 Corinthians 10:10 Referans Kwoze

Numbers 16:41

De laangi i dua mee nei, gai de hagabuulingaa dangada alodahi o Israel ne nnanu i Moses ma Aaron, ga hai ange, “Gooluu gu daa ma gu maakau dangada o Tagi Maolunga.”

Numbers 14:2

Gai de gau Israel alodahi ga nnanu i Moses ma Aaron; gai de hagabuulingaa dangada laa ga hai ange gi gilaau, “Mee naa gimaadeu ne maakau donu huu i de henua go Egypt, aabe ne maakau donu huu i de vao nei!

Numbers 14:37

— denga daane ne gaamai laa hanu longo baubau o de henua laa — gilaadeu ne maakau i dahi mee hagamaakau i mada luu mada o Tagi Maolunga.

1 Chronicles 21:15

Gai de Maadua ne hai gi humai dahi dangada de langi gi daia gi maakau dangada i Jerusalem; aagai de masavaa a tangada de langi ne daamada ai de daa dangada, gai Tagi Maolunga gu gidee, gai ia gu sui dono lodo e hai de baubau laa, gai ia ga hai ange gi tangada de langi e daia laa dangada, “Gu lava, dugua iho doo lima!” De masavaa laa gai tangada de langi o Tagi Maolunga gu duu i gaogao de mommee hili huamanu o Araunah, taane Jebus.

Philippians 2:14

Goodou haia mee alodahi i tee nnanu aabe go de hagadaumee,

2 Samuel 24:16

De masavaa a tangada de langi o Tagi Maolunga ne hagaabo ai dono lima e oha de aduhale go Jerusalem, gai Tagi Maolunga gu sui dono lodo e hai de baubau laa, gai ia ne hai ange gi tangada de langi e daia laa dangada, “Gu lava! Dugua iho doo lima!” De masavaa laa gai tangada de langi o Tagi Maolunga gu dae mai gi gaogao de mommee hili huamanu o Araunah, taane Jebus.

Psalm 106:25

Gai gilaadeu ne nnanu i lodo olaadeu hale malo, gai tee hagallongo ange gi muna a Tagi Maolunga.

Exodus 12:23

Go hiidinga Tagi Maolunga e hagadaga naa e daa de gau Egypt, gai de masavaa naa huu aana e gide ai denga dodo e hulu ai laa de laagau i de ulu aama luu baasi o de haitoga, gai Tagi Maolunga ga hagasili de haitoga laa. Ia e dee dugu ange naa donu tangada de langi o de magau gi ulu i lodo oodou hale gi daia ai goodou.

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

Exodus 15:24

Gai dangada ga nnanu i Moses, ga ssili ange, “Ni aha naa donu amaadeu e unu?”

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

Revelation 16:1

Gai au ne langona ange hogi dahi leo i lo te temple e basa ange gi denga dangada de langi dogohidu laa ma e hai ange, “Goodou hulo liingia ange gi henua i lalo mee i lodo boolo e hidu o de bole o de Maadua!”

Hebrews 11:28

Go de gai ne haia ga maua e ia i de dao Taonga Hagasili, ma de hulu ange dodo gi denga haitoga, gi dee poo ange ai tangada de langi o de magau gi denga ganimua daane a de gau Israel.

Numbers 16:11

Deenei ai, go Tagi Maolunga donu oodou e hai baasi ange naa aagena. Gai goai go Aaron, gai goodou ga hai baasi ange ai naa gi de ia?”

Numbers 17:5

Gai togo o tangada aagu e hili e somo naa, deenei dagu hai e hai ai gi dee nnanu de gau Israel, ma de hai baasi adu gi de goe.”

Numbers 17:10

Gai Tagi Maolunga ga hai ange gi Moses, “Hagaahea togo o Aaron dugua i ma te ngavesi o de tala hagadonu, e hai ai dahi hagailonga ange gi gilaadeu e hai baasi mai gi de au. De mee nei e hai gi dee aahe ange gilaadeu gi nnanu i de au, gi dee maakau ai gilaadeu.”