Biblia Todo Logo
Bib sou entènèt

- Piblisite -




1 Corinthians 1:8 - De Beebaa Dabu

8 Gai go ia e hagammahi ina oodou lodo ga dae ai gi de hagaodi, gai goodou gu dee hagabaubau i de laangi o taadeu Dagi Maolunga go Iesu Klisdo e humai ai.

Gade chapit la Kopi




1 Corinthians 1:8
29 Referans Kwoze  

gai ia ga hagammahi ai oodou lodo, ga hai gi odi ange danuaa oodou dagodo, gai goodou gu dabu i mada luu mada o de Maadua taadeu Damana, i de humai o taadeu Dagi Maolunga go Iesu madali ono dangada dabu alodahi.


Aagai iainei ia gu hagadanuaa oodou magavaa i de angaanga o Klisdo i dono magau, gai ia ga gaavange ai goodou gi de ia, goodou gu dabu ma de gilimalali, gai gu dee hagabaubau i mada luoono mada —


Gai au e iloo abodonu bolo de Maadua ne damadaa ina laa de hegau danuaa i oodou lodo naa, e duudagi naa donu de hegau naa ga dae ai gi dana hagalava i de laangi o Klisdo Iesu e ahe mai ai.


Aagai Tagi Maolunga e hai hegau i de mee abodonu, gai ia ga hagammahi adu ai goodou ma de buibui goodou i de ia baubau laa.


gai ia ga kave ai gi niiona de nohoanga dabu gu hagamahamaha laa, gu deai mee baubau iai, be ni mee vinivini iai, aabe ni mee bei mee nei iai; gai gu dabu aama teai mee baubau iai.


Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,


Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.


gi maua ai e goodou i de buni ange gi de mee heohi, gai goodou gu gilimalali ma teai oodou baubau i de laangi o Klisdo e ahe mai ai.


Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.


Gai go koe goai, gai koe ga hagabaubau ai tangada hai hegau o dahi dangada gee? Go dono dangada aamua donu huu e hagamodu ina be ia e duu ma e makaga aabe e deai. Gai ia e duu naa donu ga makaga, i hiidinga Tagi Maolunga e maua i de hai gi duu ia gi makaga.


Tagi Maolunga e lodo i de hagamodu muna heohi; gai e dee tili donu ono dangada e hai hegau laa i de muna abodonu. Ia e buibui gilaadeu ga hano ai, aagai hagadiilinga o tangada baubau e llilo naa donu.


Aagai de laangi o Tagi Maolunga e dae mai naa bei de humai o tangada gaiaa. De langi e hagalongaa naa i de masavaa e hagalilo ai; gai ono mee alodahi e odi naa i de vaivai i de ahi, gai henua i lalo ma mee alodahi i ono elunga e odi naa hogi i de hagaago mai.


Aagai go de Maadua ne hagalodo mmahi ina gimaadeu madali goodou i lodo o Klisdo, ga hagadabu gidaadeu


ssauaa o tangada baubau e odi naa, aagai Tagi Maolunga e bale ange gilaadeu e heohi.


bei doodou hai gu tonu ange ai naa, gai goodou e tonu ange donu gi hanu omaau dagodo, gai goodou ga tala tuhi ai hogi gimaau bei demaau tala tuhi oodou dagodo, i de laangi o Tagi Maolunga go Iesu.


gai goodou dugua ange taane naa gi Satan e oha ai lodo o de angaanga, gai dono hagasaalunga gu maua de mouli i de laangi o Tagi Maolunga.


Tama a Tangada e humai naa i de laangi laa, bei dagodo o de uila e laba mai laa i dahi luu bido o de langi, ga hano ga dae gi de bido ange laa.


Deenei naa hogi tagodo o Tama a Tangada i dono masavaa e ahe mai ai.


Denga mee gu hagadau e tali ma de llodo mmao gi dae mai de masavaa e hagaago mai ai dama a de Maadua.


dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi.


Gai e deai ange donu amaau mee e sisi adu gi goodou, gai go mee donu huu oodou e maua i de dau ga tonu ange aagena. Gai au e tali bolo goodou e tonu ange abodonu gi mee nei,


gai gu hagamakaga oodou aga ma de tuu gi makaga i ono lodo i de gai, bei de hai oodou gu agoago ai, gai gi laumalie ai doodou tuhi ma de hagaahe ange de abodonu.


Goodou gu iloo donu bolo de laangi o Tagi Maolunga e humai ai e bei naa dagodo o tangada gaiaa e humai laa i lo te boo.


goodou gi dee moolau de gaavee oodou lodo, be go de manavasaa oodou lodo, i hiidinga o dahi hagasaalunga be go hanu agoago, aabe se leda a hanu ne gaavadu, bolo se leda mai i omaadeu daha, gai e tala ai bolo de laangi o Tagi Maolunga gu dae mai donu.


aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.


(Tagi Maolunga gi haia gi maua e ia tegi mai i daho Tagi Maolunga i de laangi laa!) Gai koe gu iloo dagodo o ana hegau lagolago ne bale mai ai au i Ephesus.


Swiv nou:

Piblisite


Piblisite