1 Corinthians 1:19 - De Beebaa Dabu

¹⁹ Go hiidinga gu sisi e hai ange: “Au e hai naa gi lilo de heiangi o de gau heiangi; ma de hai gi dee sula de iloo mee o de gau iloo mee.”

1 Corinthians 1:19 Referans Kwoze

Isaiah 29:14

Deenei ai, au e ahe ange naa e hai gi llele mouli de gau nei, i mee hagalele mouli lagolago; gai de iloo mee o de gau iloo mee e dee maaleva naa, gai de heiangi o de gau heiangi e lilo naa hogi.”

Jeremiah 8:9

De gau heiangi e dookaa naa; gilaadeu e maatagu naa ma de booboogia mai. Tilo, gilaadeu ne kino i muna a Tagi Maolunga, gai e dahi ai naa olaadeu heiangi?

1 Corinthians 3:19

Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.”

Isaiah 19:11

Denga dagi o Zoan ni dangada donu ssenga; de gau heiangi e balea ange hagasaele a Pharaoh, ni ngadi hagasaele alaadeu e bale ange ai ia. Gai dee hee ai naa doodou hai e maua ai i de hai ange gi Pharaoh, “Au go dahi daane heiangi, go dahi daane hai hegau o denga hodooligi madagidagi”?

Isaiah 19:3

De gau Egypt e baageaa naa olaadeu lodo, gai au e hai naa gi dee ssula alaadeu hagatau; gilaadeu e ssala naa de bale mai i daho denga diinonga ma hagasaalunga o de gau maakau, ma denga hilohilo ma eidu aama gilaadeu e pasa ange gi denga hagasaalunga.

Jeremiah 10:7

De Hodooligi o denga huaahenua, goai e dee madagu i de goe? Deenei de mee e heohi de hai adu gi de goe. Gai e deai donu e bei oo dagodo, i magavaa o de gau heiangi alodahi o denga huaahenua, ma olaadeu nohoanga hodooligi alodahi.

1 Corinthians 4:6

Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa.

1 Corinthians 4:10

Gimaadeu gu bei de gau llodo ssenga i hiidinga o Klisdo, aagai goodou gu ni dangada heiangi i lodo o Klisdo. Gimaadeu e baageaa, aagai goodou e mmahi. Goodou e hagadubulia, aagai gimaadeu e dee hagadubulia.