1 Corinthians 1:18 - De Beebaa Dabu

¹⁸ Gai agoago o de laagau lui e dagodo bei muna a tangada lodo senga ange gi gilaadeu e maakau, aagai go ssauaa donu o de Maadua mai gi gidaadeu gu hagamouli laa.

1 Corinthians 1:18 Referans Kwoze

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

2 Thessalonians 2:10

aama hegau baubau alodahi e hagasengalia laa gilaadeu gu hagadabena ange e maakau. Gilaadeu e maakau i hiidinga gilaadeu tee llodo e kave de muna abodonu gi hagamouli ai gilaadeu.

2 Corinthians 4:3

Gai noo de longo danuaa omaadeu e agoago ai nei e hagammuni, gai e hagammuni donu huu i gilaadeu e dee hagamouli.

1 Corinthians 1:21

Gai go hiidinga de heiangi o de Maadua, henua i lalo tee maua gi iloo de Maadua i olaadeu heiangi donu huu, gai de Maadua ne malangilangi i de hagamouli dangada gu hagadonusia laa, i muna e deai ono haigamaiana, go mee omaadeu e agoago ai nei.

1 Corinthians 3:19

Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.”

1 Thessalonians 1:5

go hiidinga demaadeu longo danuaa tee tala adu donu huu gi goodou i muna, gai ne gaavadu i ssauaa ma de Hagasaalunga Dabu, gai gimaadeu e iloo bolo e heohi abodonu. Goodou gu iloo dagodo omaadeu mouli i de masavaa omaadeu nogo nnoho ai i oodou magavaa; de mee nei ne hai gi danuaa adu ai gi goodou.

1 Corinthians 2:2

Go hiidinga au ne hagababa i ogu lodo bolo au e dee iloo ange dahi mee i dogu masavaa e noho ai i oodou daha, gai go de agoago donu huu i dagodo o Iesu Klisdo ma dono daudau i de laagau lui.

Acts 13:41

‘Tilo, goodou de gau doo mee, gi llele oodou mouli ma de maakau; go hiidinga au e hai naa dahi hegau i oodou laangi, gai goodou e dee hagadonu naa donu, e dee galemu donu de daalaa adu a dahi gi goodou!’ ”

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

2 Corinthians 10:4

Gai odaadeu goloa hebagi e dee ni mee niio henua i lalo, aagai go ssauaa o de Maadua e oha ai laa denga buibui makaga o de hagadaumee.

1 Corinthians 15:2

Deenei hogi de longo danuaa oodou ne hagamouli ai, noo goodou e hagammahi ga daohi muna aagu gu agoago adu ai goodou — kana deai haigamaiana doodou hagadonusia.

Acts 17:32

Gai ga langona huu e gilaadeu dagodo o de mouli age o de gau maakau, gai hanu gilaadeu ga doo ai mee, aagai hanu ne hai ange, “Gimaadeu e llodo koe gi daalaa mai ange mee nei e hagallongo gimaadeu.”

Acts 17:18

Gai hanu dangada i de hagabuulinga e hagaingoo ange laa go de Epicurean ma Stoic ne hagadaumee ange gi de ia. Hanu ne ssili, “Ni muna aha hogi a taane vava de ngudu e tala nei?” Hanu ne hagataba, “Ia e agoago i dagodo o hanu diinonga gee.” Gilaadeu ne tala muna nei i hiidinga de agoago a Paul dagodo o Iesu ma de mouli age.

Acts 2:47

ma de tuhi de Maadua, gai dangada alodahi gu hagadubu gilaadeu. Gai Tagi Maolunga ga hagapuni ange hogi gi gilaadeu dangada gu hagamouli i laangi alodahi.

1 Corinthians 4:10

Gimaadeu gu bei de gau llodo ssenga i hiidinga o Klisdo, aagai goodou gu ni dangada heiangi i lodo o Klisdo. Gimaadeu e baageaa, aagai goodou e mmahi. Goodou e hagadubulia, aagai gimaadeu e dee hagadubulia.

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.