1 Corinthians 1:17 - De Beebaa Dabu

¹⁷ Klisdo tee hai au gi hanadu gi babudaisi ina dangada, gai au gi agoago ina de longo danuaa — gai gi dee agoago i muna heiangi a dangada, gi dee hagangadi mee ina ai ssauaa o de laagau lui o Klisdo.

1 Corinthians 1:17 Referans Kwoze

1 Corinthians 2:1

Denga daina, dogu masavaa ne dae adu ai gi oodou daha, gai au tee hanadu ga agoago adu goodou i muna a de Maadua i muna maolunga, aabe go de iloo mee o dangada.

1 Corinthians 2:13

Gai gimaadeu e tala mee nei, gai e dee ni mee ne ago i de heiangi o dangada, aagai ne ago i ssauaa o de Hagasaalunga, ma de hagadonu denga agoago heohi o de baasi gi de hagasaalunga, ange gi gilaadeu gu gaavee de Hagasaalunga.

2 Peter 1:16

Gai gimaadeu tee tala adu hanu ngadi daalanga, i de masavaa amaadeu ne tala adu ai dagodo o ssauaa ma de ahe mai o taadeu Dagi Maolunga go Iesu Klisdo, aagai gimaadeu ne gidee donu dagodo o dono mahamaha.

2 Corinthians 10:10

Go hiidinga gilaadeu e hagataba, “Muna i lodo ana leda e daemaha ma de mmahi, gai de masavaa oona i odaadeu daha ai gai ia se dangada baageaa, gai ana muna e deai ono haigamaiana.”

2 Corinthians 4:2

Gimaadeu gu tili gee hegau hagadookaa e hai hagammuni laa. Gimaadeu gu dee hai hegau hagasenga ma tee hagahaisala muna a de Maadua, aagai gimaadeu e tala de muna abodonu i mada luu mada o de Maadua, aama tagi i de lodo o dahi ma dahi.

John 4:2

(gai tagodo donu, e dee go Iesu ne babudaisi ina dangada, gai go ana dangada agoago,)

2 Corinthians 11:6

Gai ga dee maua naa donu e au i de basa i honga o dangada, gai au e dahi donu ogu iloo mee; gai gimaadeu gu lava i de hai gi tonu danuaa ange goodou gi mee nei alodahi.

Acts 10:48

Gai ia ga hai gilaadeu gi babudaisi i de ingoo o Iesu Klisdo. Gai dangada i kilaa ga dangidangi ange ia gi noho i olaadeu daha i hanu laangi.

John 4:1

De masavaa huu a Iesu ne iloo ai bolo denga Pharisee gu langona bolo ia gu soa ange ana dangada agoago ne mau ma de babudaisi i a John,

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.