1 Corinthians 1:12 - De Beebaa Dabu

¹² gai aanei oodou mee e hagadaumee ai: dahi e hagadaba, “Au e daudali ange gi a Paul,” gai dahi e hagadaba, “Au e daudali ange gi Apollos,” gai dahi e hagadaba, “Au e daudali ange gi Cephas,”  gai tangada ange laa e hagadaba, “Au e daudali ange gi Klisdo.”

1 Corinthians 1:12 Referans Kwoze

John 1:42

Gai ia ne dagi mai ia gi daho Iesu. Gai Iesu ne galo ange ga tilo Peter, ga hai ange, “Doo ingoo go Simon tama daane a John? Koe e hagaingoo ange naa go Cephas” (e bei go Peter).

Galatians 3:17

Deenei de hagadoonunga o agu muna: de hainga ne gaamai laa i dua e 430 ngadau tee maua i de hagadeai se hagatoo donu hagaheloongoi a de Maadua gu hagasauaa laa, gi dee hai hegau ai de hagatoo donu laa.

Galatians 2:9

Gai ga gidee huu e James, ma Cephas, aama John, go gilaadeu e hagabinga laa bolo ni dagi, de abodonu o de Maadua gu gaamai laa gi de au, gai gilaadeu ga luuluu omaau lima ma Barnabas, ga hai gimaau gi hulo gi denga Gentile, gai gilaadeu ne hulo gi de gau Ssuu.

2 Corinthians 9:6

Deenei tagodo: tangada e sogoisi ana mee e doo, e sogoisi naa hogi ana mee e hagihagi, gai tangada e lagolago ana mee e doo, e lagolago naa hogi ana mee e hagihagi.

1 Corinthians 16:12

Gai dagodo o taadeu daina go Apollos, au ne hagammahi ange ia gi hanadu gi oodou daha madali denga daina ange laa, aagai ia tigi lodo e hanadu iainei. Gai ia e hanadu naa donu i de masavaa e heohi ange ai.

1 Corinthians 15:50

Denga daina, au e tala adu de mee nei: kano ma dodo e dee maua i de ulu i de nohoanga hodooligi o de Maadua, gai de angaanga e magau laa e dee maua hogi i de kave de angaanga e dee maua laa gi magau.

1 Corinthians 15:5

gai ia ne hakide ange gi Cephas, gai muli mai go tinoangahulu ma dogolua.

1 Corinthians 9:5

Gai e deai semaadeu heohi e kave ai omaadeu bodu madali gimaadeu, bei de gau tala ange laa ma daina daane o Tagi Maolunga aama Cephas?

1 Corinthians 7:29

Denga daina, deenei de hagadoonunga o muna nei, de masavaa gu hagamodu gu baa mai donu. Mai iainei gai denga daane dau bodu gi bei denga daane e deai olaadeu bodu,

1 Corinthians 4:6

Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa.

Acts 18:24

Gai e dahi daane Ssuu dono ingoo go Apollos, ia se daane mai i Alexandria, gai gu humai gi Ephesus. Ia se daane heiangi i de basa i honga o dangada gai ia e iloo de Beebaa Dabu.

Matthew 23:8

Aagai e dee hai dangada gi hagaagahia adu ‘tangada agoago’ gi goodou, i hiidinga e dahi donu huu oodou dangada agoago, gai goodou alodahi ni hai daina.

Acts 19:1

De masavaa o Apollos e noho ai i Corinth, gai Paul ne hano laa uda ga hano ai ga dae gi Ephesus. Gai ia ne hedae ange gi hanu dangada agoago i kilaa.

1 Corinthians 1:11

Denga daina, hanu dangada mai i de huaabodu o Chloe gu tala mai bolo goodou e hagadaumee i oodou magavaa,

2 Corinthians 10:7

Goodou e kalo ange donu ma e tilo mee e gide i ganomada. Noo dahi dangada e iloo too donu bolo ia nii Klisdo, gai ia gi hagamaanadu bolo gimaadeu nii Klisdo hogi, bei ono dagodo.

1 Kings 16:21

Gai de gau Israel gu dee buni; dahi luu baasi o dangada ne llodo go Tibni, tama daane a Ginath gi hodooligi, gai de baasi ange laa ne llodo go Omri.