1 Corinthians 1:11 - De Beebaa Dabu

¹¹ Denga daina, hanu dangada mai i de huaabodu o Chloe gu tala mai bolo goodou e hagadaumee i oodou magavaa,

1 Corinthians 1:11 Referans Kwoze

1 Timothy 6:4

gai ia se dangada hagasoenga hagamaolunga ma teai donu ana mee e iloo. Ia se dangada e lodo e hagadau gaavange ma de hagadaumee i hagadoonunga o denga muna, go mee e hidi mai ai de hagadau llodo gaiaa, ma de hagadau kino, ma de hagadau hagabaubau, ma de hagadau dee hagadonu,

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

1 Corinthians 3:3

go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada?

Proverbs 18:6

Muna a tangada lodo senga e hai ga hebagi dangada, gai ana muna e hai ga daia ia.

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

Galatians 5:15

Aagai noo goodou e hagadau hebagi ma de hagadau vaivai hai goodou, gai goodou kana ange gi dee hagadau daia donu huu goodou gi maakau.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

Proverbs 13:10

De hagamaolunga e hidi mai ai de hagadaumee, aagai de heiangi e gidee i daho dangada e gaavee muna bale.

Genesis 37:2

Deenei taalanga o de huaabodu o Jacob. Joseph gu madaangahulu ma hidu ono ngadau, gai ia se dangada hagaloosi manu madali ono daina daane, go dama a Bilhah ma Zilpah, luu bodu laa daha o dono damana. Gai Joseph ne ahe mai ga tala ange gi delaadeu damana, dahulinga baubau a ono daina ange laa.

Genesis 27:42

Gai ga langona huu e Rebekah muna a dana dama madua go Esau, gai ia ga aalu gi humai dana dama gauligi go Jacob, ga hai ange gi de ia, “Tilo, doo daina go Esau e hagaaneane ono lodo, i dana hai de hagatau e daa ai goe gi magau.

Philippians 2:14

Goodou haia mee alodahi i tee nnanu aabe go de hagadaumee,

1 Corinthians 11:18

Gai deenei tahi mee oodou e hai: de masavaa o de nohoanga dabu e hagabuni ai, gai au gu langona bolo e hanu hagabuulinga i oodou magavaa e hagadau hai baasi; gai au e dai hagadonusia donu muna nei.

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

1 Corinthians 1:12

gai aanei oodou mee e hagadaumee ai: dahi e hagadaba, “Au e daudali ange gi a Paul,” gai dahi e hagadaba, “Au e daudali ange gi Apollos,” gai dahi e hagadaba, “Au e daudali ange gi Cephas,”  gai tangada ange laa e hagadaba, “Au e daudali ange gi Klisdo.”

Titus 3:9

Aagai koe huli gee i denga ngadi mee e dee heloongoi ai dangada, ma hagatau o denga aamuli, ma mee o de hainga e hagadaumee ai ma de hebagi ai dangada, i hiidinga mee nei e deai donu olaadeu haigamaiana.