1 Corinthians 1:10 - De Beebaa Dabu

¹⁰ Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

1 Corinthians 1:10 Referans Kwoze

1 Corinthians 12:25

gi dee hagadau hai baasi ai mee o de angaanga, aagai gi hagadau bale i olaadeu magavaa.

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Psalm 133:1

Tilo, se mee danuaa ma de mahamaha de nnoho hagabuni o denga hai daina!

1 Corinthians 11:18

Gai deenei tahi mee oodou e hai: de masavaa o de nohoanga dabu e hagabuni ai, gai au gu langona bolo e hanu hagabuulinga i oodou magavaa e hagadau hai baasi; gai au e dai hagadonusia donu muna nei.

Philippians 1:27

Gai goodou mouli gi bei dagodo muna o de longo danuaa o Klisdo, e dee hilihili be au e hanadu ga hedae adu gi goodou, aabe au e dee maleva, gai au e langona bolo goodou e tuu ma e makaga i de lodo daudahi, ma de hagadau bale i de hebagi i doodou hagadonu de longo danuaa.

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

2 Corinthians 5:20

Deenei ai, gimaadeu go sui o Klisdo, e dagodo be go de Maadua e dangidangi adu gi goodou i omaadeu daha. Gai gimaadeu e sui Klisdo e dangidangi adu ai gi goodou: goodou gi hagadanuaa ina oodou magavaa ma de Maadua.

1 Corinthians 4:16

Deenei ai, au e dangidangi adu goodou gi ago mai i de au.

Acts 4:32

Gai dangada alodahi gu hagadonusia laa gu buni ma gu se lodo daudahi; gu deai donu se dangada e hagadaba bolo niiana mee e hanu i ono daha, aagai gilaadeu gu hai mee ai alodahi.

Jeremiah 32:39

Au e hai naa gilaadeu gi buni i de lodo daudahi ma de hagatau daudahi, gai gilaadeu e maatagu naa i de au ga hano ai, gi danuaa ange ai gi gilaadeu ma alaadeu dama i muli mai.

John 17:23

au i olaadeu lodo gai koe i ogu daha, gai gi buni ai gilaadeu gi dahi, gi iloo ai e henua i lalo bolo go koe ne haia nei au gi humai, gai koe gu aloha i gilaadeu bei doo aloha i de au.

1 Thessalonians 5:13

Gai gi kii ange doodou hagadubu gilaadeu ma de aaloha i gilaadeu, i hiidinga o alaadeu hegau. Gai goodou gi nnoho hagabuni i de baba.

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

John 10:19

Gai de gau Ssuu gu dee buni ange hogi i hiidinga o muna nei.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.

2 Timothy 4:1

Au e tala adu gi de goe i mada luu mada o de Maadua aama Klisdo Iesu, go de ia e hagamodu ina muna o dangada e mouli ma gilaadeu gu maakau, i de masavaa oona e hagasula mai ai, ga hagaduu age dono nohoanga hodooligi.

Philippians 3:16

Gai gidaadeu ga duudagi hogi de daudali i mee odaadeu gu lava i de agoago ai.

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —

John 7:43

Deelaa ai, gu dee buni dangada i ono hiidinga.

Mark 2:21

E deai donu dangada e bonodia ange de malo duai i dahi hono hoou. Noo gu hai de mee nei, gai de hono hoou laa e ssae naa de malo duai laa, ga hai gu kii ange de laumalie de mommee e masae.

Matthew 9:16

E deai donu dangada e bonodia ange de malo duai i dahi bido malo hoou, go hiidinga de hono hoou laa e ssae naa de malo duai laa, gai gu kii ange de laumalie de mommee e masae.

1 Timothy 5:21

Au e hai adu gi de goe i mada luu mada o de Maadua ma Klisdo Iesu aama de gau de langi gu hili laa, koe gi daohia muna nei, gai koe gi dee vae dangada, aabe gi hilihili dangada.

2 Thessalonians 2:1

Gai dagodo o de ahe mai o taadeu Dagi Maolunga go Iesu Klisdo, ma taadeu hagabuni madali ia, denga daina, gimaadeu e dangidangi adu:

Galatians 4:12

Denga daina, au e dangidangi adu goodou gi bei ogu dagodo, go hiidinga au e bei hogi oodou dagodo. Tigi ai donu se mee dee heohi oodou ne hai mai gi de au.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

Romans 15:30

Denga daina, au e dangidangi adu gi goodou, i de ingoo o Tagi Maolunga go Iesu Klisdo ma de aloha o de Hagasaalunga ⌊Dabu⌋, goodou balea mai au i talodalo ange gi de Maadua i ogu hiidinga,

John 9:16

Gai hanu Pharisee ne hagataba, “Taane nei tee humai i daho de Maadua, go hiidinga ia e dee hagadabu de laangi o Sabbath.” Aagai hanu Pharisee ne ssili, “Dee hee de hai a dahi dangada haisala e maua ai i de hai denga hagailonga be mee nei?” Gai gilaadeu gu dee buni.

Romans 1:13

Denga daina, au e lodo goodou gi tonu ange bolo gu dee modu donu dogu lodo e hanadu gi oodou daha, (aagai goi buibuia huu ga dae mai ai gi iainei); au e lodo hogi gi maua e au i de hai gi daahuli lodo o hanu i oodou magavaa, bei dagu hai gu maua ai laa i magavaa o denga Gentile ange laa.

1 Corinthians 1:11

Denga daina, hanu dangada mai i de huaabodu o Chloe gu tala mai bolo goodou e hagadaumee i oodou magavaa,

1 Corinthians 3:3

go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada?

2 Corinthians 13:9

Go hiidinga gimaadeu e malangilangi donu i demaadeu baageaa gai goodou gu mmahi. Gai gimaadeu e dalodalo gi kii ange doodou heohi abodonu.

1 Peter 5:10

Gai dua naa huu doodou hagaduasala i dahi damaa masavaa, gai de Maadua o de abodonu alodahi, ne hagahia adu goodou gi gaavee dono mahamaha e deai laa se ngado i lodo o Klisdo, gi hagaieiangi ina goodou ma de hai gi mmahi goodou, gi maua ai e goodou i de tuu gi makaga.

Joshua 22:15

Gai gilaadeu ne hulo gi daho de aamuli o Reuben, ma de aamuli o Gad, aama dahi luu baasi o de aamuli o Manasseh i de henua go Gilead, ga hai ange gi gilaadeu,

Mark 3:24

Noo dahi nohoanga hodooligi e hagadau hai baasi, gai de nohoanga hodooligi laa e dee maua i de duu gi makaga.