1 Corinthians 1:1 - De Beebaa Dabu

¹ Mai i daho Paul, taane ne hagahia laa gi se dangada tala niio Klisdo Iesu, bei dagodo de hagatau a de Maadua, aama taadeu daina go Sosthenes.

1 Corinthians 1:1 Referans Kwoze

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.

2 Corinthians 1:1

Mai i daho Paul, tangada tala o Klisdo Iesu, bei dagodo de hagatau a de Maadua, aama taadeu daina go Timothy. Ange gi de nohoanga dabu o de Maadua i Corinth, aama dangada alodahi o de Maadua i Achaia.

Colossians 1:1

Mai i daho Paul, tangada tala o Klisdo Iesu bei dagodo de hagatau a de Maadua, aama Timothy taadeu daina.

Acts 18:17

Gai de gau Ssuu ga poo Sosthenes, tagi o synagogue ga hagailiili ia i gaogao de mommee hagamodu muna. Aagai Gallio e dee anga ange donu gi alaadeu mee ne hai.

2 Timothy 1:1

Mai i daho Paul, tangada tala o Klisdo Iesu bei dagodo de hagatau a de Maadua, ma de hagatoo donu o de mouli i daho Klisdo Iesu.

1 Timothy 2:7

Deenei de hiidinga oogu ne hilia ai nei gi se dangada agoago, gai gi se dangada tala — au e tala adu de muna abodonu, au e dee hadu muna — gai se dangada e agoagona ange denga Gentile i de gai ma de mee abodonu.

1 Timothy 1:1

Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

Galatians 1:1

Mai i daho Paul, dahi dangada tala — tee hili laa i daho dangada aabe go ssauaa o dangada, aagai ne hili i daho Iesu Klisdo ma de Maadua Tamana, ne hagamouli ina age laa Iesu i de magau,

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

2 Corinthians 12:12

Au ne hagaduu ngae ga hagaago adu gi goodou dagodo o tangada tala abodonu, i dogu noho i oodou magavaa, i denga hagailonga ma mee hagalele mouli aama denga sauaa mmahi.

2 Corinthians 11:5

Gai au e hagadaba bolo au e dee maolalo ange donu i gilaadeu e hagataba naa bolo gilaadeu ni dangada tala maolunga.

1 Corinthians 15:9

Gai go au hugadoo e maolalo i de gau tala, gai e dee bau ange gi de hagabinga bolo se dangada tala, go hiidinga au ne vaivai hai de nohoanga dabu o de Maadua.

1 Corinthians 3:9

Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Acts 1:2

ga dae ai gi dono laangi ne gaavage ai gi de langi, ma dua dana tala ange gi de gau tala, go dangada aana ne hili, alaadeu mee e hai i ssauaa o de Hagasaalunga Dabu.

John 20:21

Gai Iesu ga hai ange hogi gi gilaadeu, “De baba gi dagodo i oodou daha. Tamana ne hai au gi humai, gai au e hai naa hogi goodou gi hulo.”

Luke 6:13

Gai de masavaa huu ne ao ai de mee, gai Iesu ga hagahi ana dangada agoago ga hili e dinoangahulu ma dogolua i olaadeu magavaa, ga hagaingoo ange go de gau tala:

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Romans 1:10

ma de dangidangi gi dugua mai gi maua e au i de hanadu gi oodou daha, noo go lodo o de Maadua.

2 Corinthians 8:5

Gai de mee alaadeu ne daohi age e kii ange donu i mee amaadeu ne maanadu; aagai gilaadeu ne dugu ange gilaadeu i mua gi Tagi Maolunga aama gi gimaadeu bei dagodo lodo o de Maadua.