1 Chronicles 3:12 - De Beebaa Dabu

¹² tama daane a Joash go Amaziah, tama daane a Amaziah go Azariah, tama daane a Azariah go Jotham,

1 Chronicles 3:12 Referans Kwoze

2 Chronicles 25:1

Amaziah gu madalua ma lima ono ngadau i de masavaa oona ne dae ange ai ga hodooligi, gai ne madalua ma siva ngadau oona ne hodooligi ai i Jerusalem. De ingoo o dono dinana go Jehoaddin, ia se hine Jerusalem.

2 Kings 15:30

Dua mee laa gai Hoshea, tama daane a Elah, ne hai baasi ange gi Pekah, tama daane a Remaliah, ga daa ia gu magau, gai ia ga sui ia ga hodooligi ai. Mee nei ne hai i de madalua ngadau o Jotham, tama daane a Uzziah ne hodooligi ai i Judah.

2 Kings 14:21

Gai dangada alodahi i Judah ga hai Azariah gi suuia dono damana go Amaziah gi hodooligi ai, gai ia gu madaangahulu ma ono ono ngadau i de masavaa laa.

2 Kings 14:1

Gai de lua ngadau huu o Jehoash, tama daane a Joahaz ne hodooligi ai i Israel, gai Amaziah, tama daane a Joash, de hodooligi o Judah gu dae ange ga hodooligi.

2 Chronicles 27:1

Jotham gu madalua ma lima ono ngadau i de masavaa oona ne dae ange ai ga hodooligi, gai ia ne hodooligi i Jerusalem i e madaangahulu ma ono ngadau. Gai de ingoo o dono dinana go Jerushah, tamaa hine a Zadok.

2 Chronicles 26:1

Gai dangada alodahi o Judah ne kave Uzziah, gu madaangahulu ma ono laa ono ngadau, ga hai ia gi suuia dono damana go Amaziah gi hodooligi ai.

2 Kings 15:32

Gai de lua ngadau huu o Pekah, tama daane a Remaliah ne hodooligi ai i Israel, gai Jotham, tama daane a Uzziah gu dae ange ga hodooligi i Judah.

2 Kings 15:5

Gai Tagi Maolunga ne hai de hodooligi gi magi lebelaa ga dae ai gi de laangi oona ne magau ai, gai ia ne noho sogosogo i dahi hale gee. Gai dana dama daane go Jotham e dagina dangada i dono hale, aama dangada i honga de henua.

1 Chronicles 3:11

tama daane a Jehoshaphat go Jehoram, tama daane a Jehoram go Ahaziah, tama daane a Ahaziah go Joash,

1 Chronicles 3:13

tama daane a Jotham go Ahaz, tama daane a Ahaz go Hezekiah, tama daane a Hezekiah go Manasseh,

2 Kings 15:7

Gai Azariah ne magau bei ono dubuna, gai gilaadeu ga danu ia madali gilaadeu i de aduhale o David, gai Jotham, dana dama daane ga sui ia ga hodooligi ai.