1 Chronicles 28:2 - De Beebaa Dabu

² Gai de hodooligi ga duu age ga hai ange, “Ogu daina ma ogu dangada, goodou hagalaangona agu muna. Au gu lodo e hagaduu dahi hale e dugu ai de ngavesi o de hagatoo donu hagaheloongoi a Tagi Maolunga, go de mommee e dugu ange aagena luu vae o taadeu Maadua; gai au ne hagadabena mee e hagaduu ai.

1 Chronicles 28:2 Referans Kwoze

Isaiah 66:1

E hagadaba Tagi Maolunga: “De langi go dogu nohoanga, gai henua i lalo go de mommee e dugu ange aagena luoogu vae. Gai i hee iai de hale oodou e hagaduu moogu? Gai i hee iai dogu mommee e hagamabu ai?

Psalm 99:5

Hagaamua ina Tagi Maolunga taadeu Maadua, gai ino i gaogao luoono vae daumaha ange gi de ia! Ia e dabu mmao.

Lamentations 2:1

De Ia Aamua gu haoli tamaa hine o Zion i de hagausinga o dono lili! Ia ne tili iho mai i de langi gi henua i lalo de mahamaha o Israel; ia tee manadua donu de mommee e dugu ange aagena luoono vae, i de laangi oona ne lili ai.

Acts 7:49

‘De langi go dogu nohoanga, gai henua i lalo go de mommee e dugu ange aagena luoogu vae. Gai se hale bee hee oodou e hagaduu e noho ai au? go Tagi Maolunga e hagadaba, aabe go hee iai dogu mommee e hagamabu ai?

Psalm 132:14

“Deenei dogu mommee noho ga hano ai; go kinei oogu e noho ai i hiidinga go de mommee oogu e lodo ai.

Psalm 22:22

Au e tala ange naa doo ingoo gi ogu daina; au e tuhi goe madali de hagabuulingaa dangada.

1 Chronicles 22:14

Gai au ne hagaduu ngae ga hagadabena mee e hai ai de hale o Tagi Maolunga: e dahiseguli talent goolo, ma e dahiseloo talent selevaa, ma bronze ma iron lagolago mmao tee maua i de hagahidi gi iloo taemaha, ma laagau aama hadu. Gai koe haia ange hanu e hagapuni ange gi mee nei.

1 Chronicles 6:31

Aanei denga daane a David ne hili gi dagina denga daahili i de hale o Tagi Maolunga, i dua de dae mai o de ngavesi o de hagatoo donu hagaheloongoi gi kilaa.

1 Kings 1:47

Gai denga dagi i lalo o de hodooligi gu loomai e hagadubu David, demaadeu dangada aamua, ga hai ange, ‘Doo Maadua gi haia Solomon gi kii ange tanuaa ono longo i de goe, gai dono nohoanga hodooligi gi maolunga ange i doo nohoanga hodooligi.’ Gai de hodooligi ga ino gi lalo i honga dono moenga ga daumaha.

Deuteronomy 17:20

gi dee hagamaolunga ai ia i dangada o dono henua, ga dee daudali i denga hainga. Gai gi maua ai e ia ma dono aamuli i de hodooligi i de nohoanga hodooligi o Israel i de masavaa daulooloa.

Deuteronomy 17:15

gai goodou diiloo hilia tangada e hodooligi i oodou elunga, gi se dangada nii Tagi Maolunga doodou Maadua e hili, gai gi se dangada Israel donu; goodou e dee hili dahi dangada henua gee gi dagina goodou.

Genesis 48:2

Gai dahi ne hai ange gi Jacob, “Dau dama daane go Joseph gu humai gi oo daha.” Gai Israel ga hagammahi ga noho age i honga dono moenga.

1 Kings 5:3

“Koe gu iloo bolo dogu damana go David tee maua e ia i de hagaduu age dahi hale e hagadubu ai de ingoo o Tagi Maolunga, dono Maadua, go hiidinga o denga hebagi aana ne hai ange gi denga hagadaumee i luu baasi dono henua, ga dae ai gi de hai a Tagi Maolunga gilaadeu gi nnoho i ono lalo.

1 Chronicles 17:4

“Hannoo hai ange gi dogu dangada hai hegau go David, ‘E hagadaba Tagi Maolunga: E dee go koe e hagaduulia dahi hale e noho ai au.

2 Chronicles 6:7

Dogu damana go David ne lodo e hagaduu dahi hale e hagadubu ai de ingoo o Tagi Maolunga, de Maadua o Israel.

Isaiah 60:13

De mahamaha o Lebanon e gaamai naa gi de goe, go denga pine ma fir, aama cypress, e hagamahamaha ai dogu mommee dabu; gai au e hai naa gi mahamaha de mommee e dugu ange aagena luoogu vae.

1 Chronicles 22:6

Gai ia ga hagahi dana dama go Solomon, ga hai ange ia gi hagaduulia dahi hale e hagadubu ai de ingoo o Tagi Maolunga, de Maadua o Israel.

1 Chronicles 22:7

Gai David ne hai ange gi Solomon, “Dagu dama, au ne lodo e hagaduu dahi hale e hagadubu ai de ingoo o Tagi Maolunga, dogu Maadua.

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Psalm 132:2

Ia ne hai dahi hagatoo donu ange gi Tagi Maolunga, ma de hagatoo donu ange gi de Ia Mmahi o Jacob:

Ezekiel 43:7

Ia ne hai mai, “Tama a tangada, deenei de mommee iai dogu nohoanga, ma de mommee e dugu ange aagena luoogu vae. Deenei dogu mommee e noho ai madali de gau Israel ga hano ai. Gai de gau Israel ma olaadeu hodooligi gu dee aahe ange e hagangadi mee dogu ingoo dabu, i delaadeu daumaha ange gi olaadeu diinonga, ma de danu olaadeu hodooligi i olaadeu mommee daumaha.

Matthew 25:16

Gai tangada ne gaavee laa e lima talent ne hagamoolau ga hano ga hagao mee i talent laa, gai ia gu maua ange e lima talent.