1 Chronicles 26:12 - De Beebaa Dabu

¹² Denga hagabuulinga hagaloosi haitoga, mai i denga huaabodu, e hanu hogi alaadeu hegau e hai i de hale o Tagi Maolunga, bei olaadeu dangada ange laa.

1 Chronicles 26:12 Referans Kwoze

1 Chronicles 25:8

Gai denga dama daane aama daane maatua, ma de gau agoago aama dangada alaadeu e agoago ange, ne dada gi iloo ai be aahee alaadeu hegau.

2 Kings 7:10

Gai gilaadeu ga hulo ga hagahi denga daane e hagaloosi ina laa de haitoga o de aduhale, ga hai ange gi gilaadeu, “Gimaadeu ne hulo gi de mommee nnoho gaainga o de gau Syria, gai gimaadeu tee gidee aabe ne langona dahi dangada daudahi i kilaa. Denga hoosa ma denga donkey e noonooa i kilaa, gai denga hale malo gu ni ngadi hale donu huu.”

1 Chronicles 26:11

togolua go Hilkiah, togodolu go Tabaliah, gai togohaa go Zechariah. Denga dama daane ma dangada alodahi o Hosah se dinoangahulu ma dogodolu.

1 Chronicles 26:13

Denga huaabodu alodahi ne dada delaadeu haitoga e hagaloosi, go denga dama daane ma denga daane maatua alodahi.

2 Chronicles 35:15

Gai de gau daahili, go hagadiilinga o Asaph, ne tuu i olaadeu duulanga bei de hai a David, ma Asaph, ma Heman, aama Jeduthun, taane hai hegau o de hodooligi e daalaa mee e loomai, gu tala ai. Gai de gau hagaloosi haitoga tee dugu donu alaadeu hegau, go hiidinga olaadeu dangada, i de aamuli o Levi ne sui gilaadeu ga hagadabena ai alaadeu mee.

1 Chronicles 9:23

Gai go gilaadeu ma olaadeu hagadiilinga ne hagaloosia de hale o Tagi Maolunga, go de hale e hagaingoo ange laa go de Hale Malo.

2 Chronicles 31:14

Gai Kore, tama daane a Imnah, taane de aamuli o Levi, e hagaloosi de haitoga i baasi dua, ma mee ngadi gaavange a dangada e gaavange gi de Maadua, ma de duha mee gu gaavange gi Tagi Maolunga ma mee ngadi gaavange dabu laa.