1 Chronicles 22:9 - De Beebaa Dabu

⁹ Tilo, koe e hagadili naa dahi dama daane; ia e haia gi nnoho paba dangada ma de duadonu. Gai au e hai naa gi mabu ia i de hebagi ange gi hagadaumee alodahi i luu baasi dono henua. Gai ia e hagaingoo ange naa go Solomon. Au e hai naa gi nnoho paba dangada ma de malino honga de henua go Israel i de masavaa oona e hodooligi ai.

1 Chronicles 22:9 Referans Kwoze

1 Kings 4:25

Gai Judah ma Israel gu nnoho paba, mai i Dan ga dae ai gi Beersheba; dangada alodahi gu nnoho paba, dahi ma dahi gu noho danuaa i lalo dana grapevine aama lalo dana fig i de masavaa o Solomon e mouli ai.

1 Kings 5:4

Aagai iainei Tagi Maolunga, dogu Maadua, gu hai au gi noho baba madali dangada i luu baasi de henua, gai gu deai hogi se hagadaumee aabe se mee hai ngadaa.

1 Kings 4:20

Gai gu soa mmao dangada i Judah ma Israel, bei de lagolago gelegele i gaogao tai; gai gilaadeu ne gaimee ma de unu ma de lodo malangilangi.

Haggai 2:9

De mahamaha o de hale nei e hai naa ga laumalie ange i de mahamaha o de hale i mua, go Tagi o denga hagabuulinga hebagi e hagadaba. Gai au e hai naa de mommee nei gi dagodo ai de baba,’ go Tagi o denga hagabuulinga hebagi e hagadaba.”

Isaiah 66:12

Gai e hagadaba Tagi Maolunga, “Tilo, au e hai naa gi noho baba Jerusalem bei dagodo o dahi saalingaa vai, gai de lava o denga huaahenua e hhao naa ga honu Jerusalem bei ssaalingaa vai gu honu baabaa laa; gai goodou e haau naa ma de saabai i honga dono dege, aama de viivii i honga luu vae.

Isaiah 57:19

ma de hai gilaadeu e hinangalosaa i Israel gi duuhia. De noho baba, de noho baba, ange gi gilaadeu e mmao, ma gilaadeu e paa mai, go Tagi Maolunga e hagadaba. Gai au e hagaieiangi naa gilaadeu.

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Isaiah 26:12

Tagi Maolunga, koe gu hai gi nnoho paba gimaadeu; gai go koe gu hagassula mee alodahi amaadeu gu hai.

Psalm 72:7

Gai de mee heohi gi hagadagadaga age i dono masavaa e hodooligi ai, ma de nnoho paba, ga dae ai gi teai se maasina.

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

1 Chronicles 17:11

Gai de masavaa naa huu e odi ange ai oo laangi, gai koe e magau naa ga hano gi daho oo dubuna, gai au e hai naa dahi oo hagadiilinga e suuia goe, go dahi au dama daane donu, gai au e hai naa gi dagodo dono nohoanga hodooligi ga hano ai.

Judges 6:24

Gai Gideon ne bae dahi mommee o ssigidaumaha ange gi Tagi Maolunga, ga hagaingoo ange go Iahweh de nnoho paba. Gai de mommee o ssigidaumaha laa ne duu ai donu huu i Ophrah, go de mommee o de hagadiilinga o Abiezer.

1 Kings 1:13

Hagamoolau hannoo gi daho de hodooligi go David, hai ange gi de ia, ‘Dogu dangada aamua, koe tee hagatoo donu mai laa gi de au bolo go dagu dama daane go Solomon, e gaavee doo nohoanga hodooligi? Gai gu aha Adonijah gu kave ai laa doo nohoanga hodooligi?’

1 Kings 2:15

Ia ne hai ange, “Koe e iloo bolo niiogu donu de nohoanga hodooligi. Gai Israel alodahi ne llodo e hai au gi hodooligi. Aagai iainei gu sui denga mee, gai de nohoanga hodooligi gu gaavange gi dogu daina, go hiidinga de mee nei go Tagi Maolunga ne haia.

1 Kings 3:7

Tagi Maolunga dogu Maadua, anailaa nei gai koe gu hai au, doo dangada hai hegau, gi suuia dogu damana go David gi hodooligi ai, gai au se gauligi donu huu; au e dee iloo donu be ni aha aagu e hai.

1 Kings 4:24

Go hiidinga Solomon ne dagi denga hodooligi ma olaadeu henua alodahi i baasi dai ssaalingaa vai go Euphrates, mai i Tiphsah ga dae ai gi Gaza. Gai gu deai hebagi e hai i luu baasi alodahi.

1 Chronicles 22:18

“E aha, Tagi Maolunga doodou Maadua e dee noho nei madali goodou? Ia tee hai laa gi nnoho paba goodou madali dangada i luu baasi de henua? Ia ne dugu mai au gi hagadee kii ina dangada nogo nnoho i de henua. Gai de henua gu hai hegau ange gi Tagi Maolunga ma ono dangada.

2 Chronicles 6:15

koe ne daohi dau hagatoo donu ange gi doo dangada hai hegau go David, dogu damana. Koe ne basa i doo ngudu, gai doo lima sauaa gu hagassula au muna anailaa nei.

1 Kings 8:56

“Duuhia Tagi Maolunga, de ia ne haia ga nnoho paba ono dangada go de gau Israel, bei dana hai gu hagatoo donu ai laa. Teai donu se muna danuaa daudahi aana tee hai gi bei dana hai gu tala ange ai gi dono dangada hai hegau go Moses.

Psalm 72:1

De Maadua, agoagona ange de hodooligi i dau hagamodu muna heohi, gai agoagona ange doo heohi gi dama a de hodooligi.