1 Chronicles 22:6 - De Beebaa Dabu

⁶ Gai ia ga hagahi dana dama go Solomon, ga hai ange ia gi hagaduulia dahi hale e hagadubu ai de ingoo o Tagi Maolunga, de Maadua o Israel.

1 Chronicles 22:6 Referans Kwoze

2 Timothy 4:1

Au e tala adu gi de goe i mada luu mada o de Maadua aama Klisdo Iesu, go de ia e hagamodu ina muna o dangada e mouli ma gilaadeu gu maakau, i de masavaa oona e hagasula mai ai, ga hagaduu age dono nohoanga hodooligi.

1 Timothy 5:21

Au e hai adu gi de goe i mada luu mada o de Maadua ma Klisdo Iesu aama de gau de langi gu hili laa, koe gi daohia muna nei, gai koe gi dee vae dangada, aabe gi hilihili dangada.

Acts 1:2

ga dae ai gi dono laangi ne gaavage ai gi de langi, ma dua dana tala ange gi de gau tala, go dangada aana ne hili, alaadeu mee e hai i ssauaa o de Hagasaalunga Dabu.

Deuteronomy 31:23

Gai Tagi Maolunga ne hagadabu Joshua, tama daane a Nun, ga hai ange, “Koe gi lodo mmahi ma de lo taane, go hiidinga go koe e gaavee de gau Israel gi de henua aagu gu hagatoo donu e gaavange gi gilaadeu, gai au e noho naa donu madali goe.”

Deuteronomy 31:14

Gai Tagi Maolunga ga hai ange gi Moses, “Tilo, gu baa mai de laangi oou e magau ai. Hagahia Joshua ma gooluu loomai gi de hale malo hagabuni, gai au ga hagadabu ai ia.” Gai Moses ma Joshua ne hulo ga tuu i lo te hale malo hagabuni.

Numbers 27:23

Gai ia ga dugu ange luoono lima gi ono elunga, ga hagadabu ia, bei de hai a Tagi Maolunga gu tala ange ai laa.

Genesis 12:20

Gai Pharaoh ga basa ange gi ono daane, gai gilaadeu ga hai ia gi hano madali dono bodu ma ana mee alodahi.

1 Kings 2:1

De masavaa huu o David ne dai magau ai, gai ia ga tala ange ana muna gi dana dama go Solomon, ga hai ange,

2 Samuel 7:1

Gai ga noho huu de hodooligi i dono hale, gai Tagi Maolunga gu hai gi noho baba ia, gu deai hagadaumee i luu baasi dono henua,

1 Chronicles 17:1

Gai ga noho huu David i dono hale, gai ia ga hai ange gi de pelaabisi go Nathan, “Tilo, au gu noho i dahi hale e hai i laagau cedar, aagai de ngavesi o de hagatoo donu hagaheloongoi a Tagi Maolunga e dugu i lalo dahi hale malo.”

1 Chronicles 28:2

Gai de hodooligi ga duu age ga hai ange, “Ogu daina ma ogu dangada, goodou hagalaangona agu muna. Au gu lodo e hagaduu dahi hale e dugu ai de ngavesi o de hagatoo donu hagaheloongoi a Tagi Maolunga, go de mommee e dugu ange aagena luu vae o taadeu Maadua; gai au ne hagadabena mee e hagaduu ai.