1 Chronicles 21:13 - De Beebaa Dabu

¹³ Gai David ne hai ange gi a Gad, “Au gu duu ange gi dahi hai ngadaa laumalie. Au e dugu ange au gi Tagi Maolunga gi hagaduasala ina, go hiidinga dono lodo aloha e laumalie mmao; aagai au gi dee hagaduasala i daho dahi dangada.”

1 Chronicles 21:13 Referans Kwoze

Psalm 130:7

Israel, goodou tali hagalodolodo ange gi Tagi Maolunga! Go hiidinga Tagi Maolunga e abodonu mmao, gai ia e honu dana hagaola.

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.

Philippians 1:23

Au gu lua lodo i dagu maanadu luu mee nei: au e lodo e hano gee mai i de mouli nei e hano gi daho Klisdo, go hiidinga e kii ange donu i tanuaa.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

John 12:27

“Ogu lodo gu daemaha mmao iainei. Gai aahee naa agu muna e tala ange? ‘Tamana, hagaola ina mai au i de aoaa nei’? E deai, gai aanei donu ogu hiidinga ne duu ange ai nei gi de aoaa nei.

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Isaiah 46:7

Gilaadeu e hagauda delaadeu diinonga ma de saabai i honga olaadeu eu; ga kave ga hagaduu i dono mommee gi duu ai, gai e dee maua donu i de ngalue gee i dono duulanga. Gai ga dalodalo ange naa donu dahi dangada aagena, aagai e dee basa ange donu, aabe maua i de hagaola tangada mai i ono hai ngadaa.

Proverbs 12:10

Tangada heohi e tilo danuaa ange ana manu dolodolo, aagai de lodo aloha o de gau baubau e vaivai hai dangada.

Psalm 130:4

Aagai koe e degi ange gi haisala o dangada, gai gi maatagu ai gilaadeu i de goe.

Psalm 106:7

De masavaa o omaadeu dubuna e nnoho ai i Egypt, gai gilaadeu tee hagamaanadu au hegau hagalele mouli; gilaadeu ne ngalo dagodo o doo abodonu laumalie, gai gilaadeu ne hai baasi adu gi de goe i gaogao Tai Mmea.

Psalm 103:8

Tagi Maolunga e lodo aloha ma de degi, ia e dee moolau dono lili, gai e abodonu mmao.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Psalm 69:16

Tagi Maolunga, basa mai gi dagu dalodalo i hiidinga doo lodo aloha; anga mai gi de au, i hiidinga doo abodonu e laumalie mmao.

Psalm 69:13

Aagai au e dalodalo adu gi de goe, Tagi Maolunga, i de masavaa o doo abodonu; basa mai gi dagu dalodalo i hiidinga doo abodonu laumalie, ma doo hai hegau i de mee abodonu.

Psalm 5:7

Aagai au e ulu naa i doo hale i hiidinga de laumalie doo abodonu, au e huli ange naa gi doo temple dabu ga daumaha.

Esther 4:16

“Hannoo hagabuni ina de gau Ssuu alodahi i Susa, gai goodou ga hagahiikai i ogu hiidinga; goodou e dee gaimee donu, aabe unu i e dolu laangi ma e dolu boo. Gai gimaadeu ma ogu haahine hai hegau e hagahiikai naa hogi madali goodou. Dua naa huu mee nei, gai au ga hano gi daho de hodooligi, e dee galemu donu e hai baasi ange gi de hainga. Gai noo au gu magau, gai au gu magau.”

Esther 4:11

“De gau hai hegau alodahi ma dangada i vaaenga o de hodooligi e iloo, bolo tangada e hano e ulu gi lo te mommee iai de nohoanga o de hodooligi, gai de hodooligi tee aalu ia, gai e dahi donu huu hainga ange gi de ia — ia e daa donu gi magau. Deelaa donu huu, noo de hodooligi e haalo ange gi de ia dana laagau hodooligi gi ola ai dono mouli. Gai gu matolu odi huu laangi a de hodooligi tee aalu mai ai au.”

2 Chronicles 28:9

Aagai e dahi pelaabisi o Tagi Maolunga, dono ingoo go Oded, ia ne hano e hedae ange gi de hagabuulinga hebagi i de masavaa olaadeu ne aahe mai ai i Samaria. Gai ia ne hai ange gi gilaadeu, “Tilo, go hiidinga Tagi Maolunga, de Maadua o oodou dubuna ne lili i dangada o Judah, gai ia ne dugu adu goodou gi hagadee kii ina gilaadeu. Gai goodou ne daa gilaadeu ga maakau i doodou llili, gai de mee nei gu dae age gi de langi.

2 Kings 7:4

Noo gidaadeu e hagataba, ‘Gidaadeu ga ulu gi lo te aduhale,’ gai de onge i kilaa, gai gidaadeu e maakau naa donu hogi. Gai noo gidaadeu e nnoho i kinei, gai gidaadeu e maakau donu. Deenei ai, loomai, gidaadeu ga hulo gi de mommee nnoho gaainga o de gau Syria. Noo gilaadeu e dee daa gidaadeu gi maakau, gai gidaadeu gu mouli ai loo; gai noo gilaadeu e daa gidaadeu gi maakau, gai gidaadeu gu maakau.”

2 Kings 6:15

Taiao age gai tangada hai hegau o taane o de Maadua ne oho age ga sao gi duaahaho, gai ia gu gidee dahi hagabuulinga hebagi madali denga hoosa ma hada hebagi gu duuli luu baasi de aduhale laa. Gai tangada hai hegau laa ga hai ange, “Dogu dangada aamua, gu vakaa loo gidaadeu! Ni aha naa adaadeu ga hai?”

Habakkuk 3:2

Tagi Maolunga, au gu langona oo longo, Tagi Maolunga, gai au gu lele ogu mouli i au hegau. Ahe ange haia au hegau i demaadeu masavaa, haia gi iloo e gimaadeu dagodo o au hegau; gai koe manadua de lodo aloha i doo bole.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Jonah 3:9

Goai e iloo! Kana adu de Maadua e sui naa dana maanadu ga dee hagahai hegau dono lili laumalie mmao, gi dee maakau ai gidaadeu.”

Lamentations 3:32

Gai e dee galemu naa donu dana hai gi duu ange au gi de hagaduasala, gai ia e lodo aloha mai donu hogi, bei tagodo o dono abodonu laumalie.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Psalm 119:156

Tagi Maolunga, doo lodo aloha e laumalie mmao; daohia dogu mouli bei dagodo o dau mee gu hagamodu.