1 Chronicles 2:4 - De Beebaa Dabu

⁴ Gai Tamar, saulaba o Judah ne haanau ange gi de ia Perez ma Zerah. Gai Judah ne dogolima alodahi ana dama daane.

1 Chronicles 2:4 Referans Kwoze

Matthew 1:3

Judah ne hagadili Perez ma Zerah i daho Tamar, Perez ne hagadili Hezron, gai Hezron ne hagaili Ram.

Luke 3:33

Nahshon go tama daane a Amminadab, Amminadab go tama daane a Admin, Admin go tama daane a Arni, Arni go tama daane a Hezron, Hezron go tama daane a Perez, Perez go tama daane a Judah,

Nehemiah 11:24

Gai Pethahiah tama daane a Meshezabel, mai i de hagadiilinga o Zerah tama daane a Judah, go sui o de hodooligi i mee alodahi e hai ange gi dangada.

Nehemiah 11:4

gai e hanu dangada o Judah ma Benjamin ne nnoho i Jerusalem): Dangada mai i de aamuli o Judah: go Athaiah tama daane a Uzziah, tama daane a Zechariah, tama daane a Amariah, tama daane a Shephatiah, tama daane a Mahalalel, mai i de hagadiilinga o Perez;

1 Chronicles 9:6

Dangada o Zerah: go Jeuel. Gai dangada mai i Judah se 690.

1 Chronicles 9:4

go Uthai, tama daane a Ammihud, tana daane a Omri, tama daane a Imri, tama daane a Bani, dahi dangada de aamuli o Perez, tama daane a Judah.

Ruth 4:18

Aanei ingoo hagadiilinga o de aamuli o Perez: Perez ne hagadili Hezron,

Ruth 4:12

I hiidinga o denga dama a Tagi Maolunga e gaavadu gi de goe i daho de hine naa, gai doo huaabodu gi bei de huaabodu o Perez, tama daane a Tamar ne haanau ange gi Judah.”

Numbers 26:13

ma Zerah, ne hai ai laa de hagadiilinga o Zerah; aama Shaul, ne hai ai laa de hagadiilinga o Shaul.

Genesis 38:11

Gai Judah ne hai ange gi Tamar, dono saulaba, “Ahe hannoo noho i de hale o doo damana, bei dagodo o de hine gu magau dono bodu, ga dae ai gi de madua dagu dama daane go Shelah.” Go hiidinga Judah e maanadu bolo Shelah e magau naa hogi bei dagodo o luoono daina daane. Gai Tamar ga hano ga noho i de hale o dono damana.

1 Chronicles 2:5

Dama daane a Perez: go Hezron, ma Hamul.

1 Chronicles 4:1

Denga daane de aamuli o Judah: go Perez, ma Hezron, ma Carmi, ma Hur, aama Shobal.