1 Chronicles 19:7 - De Beebaa Dabu

⁷ Gilaadeu ne hagao e 32,000 hada hebagi, aama de hodooligi go Maacah ma ono daane hebagi, ga hai gilaadeu gi loomai gi nnoho gaainga i gaogao Medeba. Gai de gau Ammon ne hagabuni mai hogi dangada i lodo olaadeu aduhale e hulo gi de hebagi.

1 Chronicles 19:7 Referans Kwoze

Joshua 13:9

Delaadeu mommee e daamada mai i Aroer, i de hiihii o de geelonga go Arnon, ma de aduhale e duu laa i lo te ungaalodo o de geelonga, aama de mommee soe alodahi o Medeba, ga hano ai gi Dibon,

Numbers 21:30

Gimaadeu gu hagadee kii gilaadeu; Heshbon alodahi gu oohaa ga dae ai loo gi Dibon. Gimaadeu gu oha mee alodahi ga dae ai laa gi Nophah, go de mommee e hano ga dae gi Medeba.”

Joshua 13:16

Delaadeu mommee e daamada mai i Aroer i de hiihii o de geelonga go Arnon, ma de aduhale e duu laa i lo te ungaalodo o de geelonga, aama de mommee soe alodahi i gaogao Medeba;

Isaiah 15:2

Dangada o Dibon gu loage gi dono hale daumaha, ma ono mommee daumaha e tangi ai; de gau Moab gu tangi i hiidinga Nebo ma Medeba. Dangada alodahi gu dahi olaadeu biho, gai gu duuduu olaadeu gumigumi.

2 Chronicles 14:9

Gai Zerah, taane Ethiopia ne humai madali dahi hagabuulinga hebagi soa mmao ma e dolulau hada hebagi, gai gilaadeu ne loomai ga tae mai gi Mareshah.

1 Chronicles 18:4

Gai David ne kave mai i ono daha e mano hada hebagi, ma e hidumano daane e saavini i honga hoosa, ma e luasemada daane hebagi. Ia ne hai hogi gi dee vaa seesee denga hoosa alodahi, gai ne dugu e lau hoosa ange gi denga hada.

2 Samuel 10:6

Gai ga gidee huu e de gau Ammon bolo David gu kino i gilaadeu, gai gilaadeu ga aalu ga hagao e luasemada daane hebagi o Syria mai i Beth Rehob ma Zobah, ma de hodooligi o Maacah madali e mano daane, aama e 12,000 daane mai i Tob.

1 Samuel 13:5

Gai de gau Philistia ne hebagi ange gi Israel, se dolusemada olaadeu hada hebagi, e onomano daane e saavini i denga hoosa, gai olaadeu hagabuulinga hebagi e soa mmao bei de lagolago o denga gelegele i gabugabu tai. Gai gilaadeu ne hulo ga hagaduu delaadeu mommee nnoho i Mikmash, i baasi i dua o Beth Aven.

Judges 4:3

Gai de gau Israel ne tangi ange gi Tagi Maolunga gi balea ange gilaadeu; go hiidinga Jabin e sivalau ono hada hebagi e hai i iron, gai ne kona dana vaivai hai de gau Israel i e madalua ngadau.

Exodus 14:9

Gai denga daane o Egypt ga doolohi gilaadeu i denga hoosa ma hada hebagi o Pharaoh, ma denga daane e saavini ai, madali dono hagabuulinga hebagi, gu daea adu de gau Israel i de baasi de vai i gaogao Pi Hahiroth i de baasi gee o Baal Zephon.

1 Chronicles 19:8

Gai ga langona huu e David, gai ia ga hai a Joab ma de hagabuulinga o denga daane mmahi alodahi gi hebagi ange gi gilaadeu.