1 Chronicles 19:2 - De Beebaa Dabu

² Gai David ne hagadaba, “Au ga abodonu ange nei gi Hanun, tama daane a Nahash, go hiidinga dono damana ne abodonu mai gi de au.” Gai David ne hai hanu daane gi hulo gi hagaaneane ina ono lodo i hiidinga de magau o dono damana. De masavaa o denga daane hai hegau o David ne tae ai gi daho Hanun i de henua o de gau Ammon e hagaaneane ai ia,

1 Chronicles 19:2 Referans Kwoze

1 Samuel 30:26

De masavaa huu o David ne ahe mai ai gi Ziklag, gai ia ga kave hanu goloa ne mau i de hebagi gi ono soa, go denga daane maatua o Judah, ga hai ange, “Goloa nei se mee ngadi gaavadu gi goodou mai i denga goloa o denga hagadaumee o Tagi Maolunga.”

Ecclesiastes 9:15

Gai e dahi daane hagaau aloha gai e heiangi e noho i kilaa, ia ne hagaola de aduhale laa i dono heiangi. Aagai teai donu se dangada ne manadua taane hagaau aloha laa.

Esther 6:3

Gai de hodooligi ga ssili, “Ni aha gu hai laa e hagadubu ai Mordecai i dana hegau ne hai?” Gai denga daane e haia hegau i mada i mua o de hodooligi ga hai ange, “Tigi ai donu mee ne hai e hagadubu ai ia.”

Nehemiah 13:1

De laangi huu ne dau ange ai de beebaa a Moses gi dangada, gai gilaadeu ne gidee e sisi i ono lodo bolo de gau Ammon ma de gau Moab e dee maua i de daumaha madali dangada o de Maadua ga hano ai,

Nehemiah 4:7

Aagai ga langona huu e Sanballat ma Tobiah, ma de gau Arabia, ma de gau Ammon, aama de gau Ashdod bolo goi duudagi huu de hagaahe age o de buibui o Jerusalem, gai mommee masaavava laa gu dai buni ange donu, gai gilaadeu gu kona mmao de llili;

Nehemiah 4:3

Gai Tobiah, taane Ammon, ne duu hogi madali ia ga hai ange, “Delaadeu bae e hagaduu age naa e maoha naa donu huu i de gage ai o de gaaduu de vao!”

2 Kings 4:13

Elisha ne hai ange gi Gehazi, “Hai ange gi de hine naa, ‘Tilo, koe gu dee saohia i dau tilo mai gimaau; gai se aha amaau e hai e sui doo abodonu mai gi gimaau? E maua e gimaau i de dangidangi ange gi de hodooligi, aabe go tagi o de hebagi i oo hiidinga?’ ” Gai de hine laa ne hai ange, “Au gu dahi ogu mommee e noho ai i magavaa o ogu dangada.”

2 Samuel 9:7

Gai David ga hai ange gi de ia, “Aude madagu, go hiidinga au e abodonu adu donu gi de goe i hiidinga o doo damana go Jonathan. Au e hagaahe adu naa gi de goe alahenua alodahi o Saul, doo dubuna; mai ailaa nei ga hano ai, gai koe e gaimee madali au.”

2 Samuel 9:1

Gai David ne ssili, ga hagadaba, “E dahi nei dangada de huaabodu o Saul e mouli, gai au ga abodonu ange gi de ia, i hiidinga o Jonathan?”

John 11:19

Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane.

1 Chronicles 19:1

Dua mee nei gai Nahash, de hodooligi o de gau Ammon gu magau, gai dana dama daane ga sui ia ga hodooligi ai.

1 Chronicles 19:3

gai dagi o de gau Ammon ne hai ange gi Hanun, “E aha, koe e maanadu bolo David ne hai gi loomai ono daane gi hagaaneane ina oo lodo, e hagadubu ai doo damana? E aha, ono daane hai hegau tee se loomai nei e tilo dagodo ma de mulidagi de henua, gi maua ai e ia i de hagadee kii de henua?”