1 Chronicles 19:18 - De Beebaa Dabu

¹⁸ Aagai de gau Syria ne saavini ga hulo gee mai i de gau Israel, gai David ne daa e hidumano daane i honga denga hada hebagi, ma e haasemada daane hebagi e seesee laa. Ia ne daa hogi ga magau Shophak, tagi o denga daane hebagi o Syria.

1 Chronicles 19:18 Referans Kwoze

2 Samuel 10:18

Gai de gau Syria ne saavini ga hulo gee mai i de gau Israel, gai David ne daa ga maakau e hidulau daane Syria e saavini i honga hada hebagi, ma e haasemada daane e kage i honga hoosa. Ia ne daa hogi ga magau Shobak, tagi o delaadeu hagabuulinga hebagi.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 33:16

De hodooligi e dee ola i hiidinga de soa dono hagabuulinga hebagi; gai taane abo i de hebagi e dee ola i de kona dono mahi.

Psalm 18:32

Go ia de Maadua e hagammahi ina mai au, ma de hai gi heohi abodonu dogu haiava.

1 Chronicles 19:17

Gai ga langona huu e David mee laa, gai ia ga hagabuni denga daane alodahi o Israel, ga hulo gi baasi dua o Jordan. Gai David ga hagatau ono daane e hebagi ange ai gi de gau Syria, gai gilaadeu ga hebagi ange gi de ia.

1 Chronicles 19:19

De masavaa huu o de gau hai hegau o Hadadezer ne gidee ai bolo de gau Israel gu hagadee kii gilaadeu, gai gilaadeu ga hagadanuaa olaadeu magavaa ma David, ga hai hegau ange gi de ia. Gai de gau Syria gu dee llodo e bale ange de gau Ammon.