1 Chronicles 18:11 - De Beebaa Dabu

¹¹ Gai de hodooligi go David ne hagadabu ange goloa nei gi Tagi Maolunga, madali denga selevaa ma goolo aana ne kave mai i denga huaahenua: go Edom, ma Moab, ma de gau Ammon, ma de gau Philistia, aama Amalek.

1 Chronicles 18:11 Referans Kwoze

Micah 4:13

Tamaa hine o Zion, hiihidi age dagadagahia, go hiidinga au e hai naa oo hanga gi ni iron gai oo gubu vae gi ni bronze, gai koe ga oha ai gi maoha denga huaahenua soa. Koe e hagadabu ange naa olaadeu goloa gi Tagi Maolunga, gai olaadeu lava e gaavange gi de Ia Aamua o henua i lalo alodahi.

2 Chronicles 5:1

De masavaa huu a Solomon ne hagalava ai hegau o de hale o Tagi Maolunga, gai ia ga gaamai mee alodahi a dono damana go David gu hagadabu ange laa aagena: go selevaa, ma goolo, aama goloa ange laa, ga hhao gi lo te mommee doange i de hale o de Maadua.

1 Chronicles 29:14

Aagai se aha donu au, gai ni aha ogu dangada, gai gimaadeu ga maua ai i de ngadi gaavadu mee nei gi de goe? Mee alodahi ne loomai i oo daha, gai niiau donu mee amaadeu e gaavadu nei gi de goe.

1 Chronicles 26:20

Gai hagadiilinga o Levi ange laa: Ahijah go tagi o denga mommee doange i de hale o de Maadua ma denga mee ngadi gaavange dabu.

1 Chronicles 22:14

Gai au ne hagaduu ngae ga hagadabena mee e hai ai de hale o Tagi Maolunga: e dahiseguli talent goolo, ma e dahiseloo talent selevaa, ma bronze ma iron lagolago mmao tee maua i de hagahidi gi iloo taemaha, ma laagau aama hadu. Gai koe haia ange hanu e hagapuni ange gi mee nei.

2 Kings 12:18

Aagai Joash, de hodooligi o Judah, ne kave goloa a Jehoshaphat ma Jehoram aama Ahaziah, go denga hodooligi o Judah ne hagadabu laa, ma ana goloa hogi gu hagadabu laa, aama goolo alodahi i lodo mommee doange i de hale o Tagi Maolunga, ma de hale o de hodooligi, ga gaavange gi Hazael, de hodooligi o Syria. Gai Hazael ne hano gee mai i Jerusalem.

1 Kings 7:51

De masavaa huu a Solomon ne hagalava ai hegau o de hale o Tagi Maolunga, gai ia ga gaamai mee alodahi a dono damana go David gu lava laa i de hagadabu: go selevaa, ma goolo, aama goloa ange laa, ga hhao gi lo te mommee doange i de hale o Tagi Maolunga.

1 Samuel 30:20

Gai David ne hagaahe denga ssiibi ma kaau alodahi; gai gilaadeu ne hagabaa de hagabuulingaa manu gi hulo i mada i mua, ga hagataba, “Denga goloa ne maua i de hebagi niio David.”

1 Samuel 30:13

Gai David ga ssili ange gi de ia, “Koe se dangada hai hegau niioai? Gai koe se dangada hee?” Gai taane laa ga hai ange, “Au se dama daane mai i Egypt, gai se dangada hai hegau niio dahi daane Amalek. Gai dogu dangada aamua ne tili au i kinei, go hiidinga au ne magi i e dolu laangi gu hulo laa.

Joshua 6:19

Aagai denga selevaa, ma goolo, ma goloa alodahi e hai i bronze ma iron gu hagadabu ange gi Tagi Maolunga; mee nei alodahi e kave gi de mommee doange o Tagi Maolunga.”

Exodus 35:5

Goodou daohia age dahi sigidaumaha e gaavange gi Tagi Maolunga. Be goai e lodo malangilangi, gai ia gi gaamai dahi sigidaumaha gi Tagi Maolunga i goolo, ma selevaa, ma bronze;

1 Chronicles 18:10

gai ia ga hai gi hano dana dama daane go Hadoram gi daho de hodooligi go David, gi hagaboo ange gi de ia, ma de tuhi ia i hiidinga dono hebagi ange gi Hadadezer ga hagadee kii ia; go hiidinga Hadadezer e dee modu donu de hebagi ange gi Tou. Gai Hadoram ne gaamai gi de ia denga hagadaagangaa goloa selevaa, ma goolo, aama bronze.

1 Chronicles 18:12

Gai Abishai tama daane a Zeruiah ne daa ga maakau e 18,000 daane Edom i de Geelonga o denga Soolo.

Joshua 6:24

Gai gilaadeu ga dudu de aduhale ma mee alodahi i ono lodo. Go selevaa donu huu, ma goolo, ma goloa e hai i bronze ma iron ne kave gi de mommee doange i de hale o Tagi Maolunga.