1 Chronicles 16:6 - De Beebaa Dabu

⁶ gai Benaiah ma Jahaziel go luu dangada haimeedabu e ilihia denga hanga manu i masavaa alodahi i mada i mua o de ngavesi o de hagatoo donu hagaheloongoi a de Maadua.

1 Chronicles 16:6 Referans Kwoze

2 Chronicles 13:12

Tilo, de Maadua e madali gimaadeu gai go demaadeu dagi, gai ono dangada haimeedabu ma alaadeu trumpet e ili e daamada ai demaadeu hebagi adu gi goodou. Denga daane o Israel, goodou aude hebagi ange gi Tagi Maolunga, de Maadua o oodou dubuna madagidagi, go hiidinga goodou e dee maua donu gi kii.”

Numbers 10:8

Gai go dama daane a Aaron gu hai ai laa de gau haimeedabu e ilihia denga trumpet. Gai de mee nei se hainga gu hagasauaa adu gi goodou ma oodou atangada ga hano ai.

1 Chronicles 15:24

Shebaniah, ma Joshaphat, ma Nethanel, ma Amasai, ma Zechariah, ma Benaiah, aama Eliezer, de gau haimeedabu, gi ilihia denga trumpet i mada i mua o de ngavesi a de Maadua. Gai Obed-Edom ma Jehiah gi hagaloosia de ngavesi a de Maadua.

1 Chronicles 16:5

Tagi go Asaph, togolua go Zechariah, ma Jeiel, ma Shemiramoth, ma Jehiel, ma Mattithiah, ma Eliab, ma Benaiah, ma Obed-Edom, aama Jeiel. Gilaadeu nei ne hagadangidangi i denga harp ma lyre, gai Asaph ne hagailiili denga cymbal;

1 Chronicles 16:7

De laangi laa gai David ne hili Asaph ma ono dangada ange laa gi daahili ma de hagaahe ange de abodonu gi Tagi Maolunga:

1 Chronicles 15:18

madali hanu olaadeu dangada mai i de lua hagabuulinga, go Zechariah, ma Jaaziel, ma Shemiramoth, ma Jehiel, ma Unni, ma Eliab, ma Benaiah, ma Maaseiah, ma Mattithiah, ma Eliphelehu, aama Mikneiah, aama Obed-Edom ma Jeiel luu daane hagaloosi.