1 Chronicles 16:43 - De Beebaa Dabu

⁴³ Gai dangada alodahi ne aahe gi olaadeu hale, gai David ne ahe hogi gi dono hale ga hagamanuuia dono huaabodu.

1 Chronicles 16:43 Referans Kwoze

Psalm 101:2

Au e dagitilo naa donu, gi dee haisala ai au; go aahee maa oou e humai ai gi ogu daha? Au e hai hegau naa i de lodo se muna abodonu i dogu hale.

1 Kings 8:66

Gai de hagavalu laangi huu o taonga, gai ia ga hai dangada gi aahe gi olaadeu hale. Gai gilaadeu ga hagamanuuia de hodooligi ga aahe gi olaadeu hale i de malangilangi ma de llodo danuaa, i hiidinga o mee danuaa alodahi a Tagi Maolunga gu hagamanuuia ai dono dangada hai hegau go David, aama ono dangada go de gau Israel.

Joshua 24:15

Aagai noo e dee heohi mai i oodou daha de daumaha ange gi Tagi Maolunga, gai ailaa nei goodou hilihilia be goai oodou e daumaha ange aagena: go denga diinonga a oodou dubuna madagidagi nogo daumaha ange aagena i de baasi laa o Euphrates, aabe go diinonga o de gau Amor oodou e nnoho naa i olaadeu magavaa i delaadeu henua. Aagai au ma dogu huaabodu, gimaadeu e daumaha ange gi Tagi Maolunga.”

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

1 Chronicles 17:1

Gai ga noho huu David i dono hale, gai ia ga hai ange gi de pelaabisi go Nathan, “Tilo, au gu noho i dahi hale e hai i laagau cedar, aagai de ngavesi o de hagatoo donu hagaheloongoi a Tagi Maolunga e dugu i lalo dahi hale malo.”