1 Chronicles 16:42 - De Beebaa Dabu

⁴² Heman ma Jeduthun go luu daane e dagina dangada e ilihia denga trumpet ma de hagailiili denga cymbal, ma de hagadangidangi i denga mee hagadangidangi madali denga daahili dabu. Gai denga dama daane a Jeduthun e tuu i gaogao de haitoga o de buibui.

1 Chronicles 16:42 Referans Kwoze

Psalm 84:10

Dahi laangi i lo too hale e danuaa ange i e mano laangi i dahi mommee ange. Au e kii ange dogu lodo gi se dangada hagaloosi i de haitoga o de hale o dogu Maadua i dogu noho i de hale o tangada baubau.

2 Chronicles 7:6

De gau haimeedabu ne tuu i olaadeu duulanga; denga daane de aamuli o Levi ne tuu age ga poo mee hagadangidangi a Tagi Maolunga a de hodooligi go David ne hai laa e hagaahe ange ai de abodonu gi Tagi Maolunga, ma de daahili ga hai ange, “Dono abodonu e dagodo ga hano ai.” Gai de gau haimeedabu e tuu laa ma e huuhuli ange gi denga daane de aamuli o Levi ne ili alaadeu trumpet; gai de gau Israel alodahi ne tuu age hogi.

1 Chronicles 25:3

Gai mai i dama daane a Jeduthun: go Gedaliah, ma Zeri, ma Jeshaiah, ma Shimei, ma Hashabiah, aama Mattithiah, e dogoono gilaadeu. Gai go Jeduthun delaadeu damana e dagina gilaadeu, gai gilaadeu ne pasa pelaabisi, ma de hagadangidangi i de harp ga hagaahe ange de abodonu ma de tuhi Tagi Maolunga.

2 Chronicles 5:13

Gai denga daane e ilihia denga trumpet ma de gau daahili ne hagabuni ga tuhi ma de hagaahe ange de abodonu gi Tagi Maolunga. Gai de masavaa olaadeu ne daahili ai, ma de ili denga trumpet ga hagailiili denga cymbal aama de hagadangidangi i denga hagadaagangaa mee hagadangidangi ga tuhi Tagi Maolunga ma de hagataba, “Ia e danuaa; dono abodonu e dee helui donu” — gai de hagausinga gu hano iho ga haoli de hale o Tagi Maolunga.

1 Chronicles 15:17

Gai de hagadiilinga o Levi ne hili Heman, tama daane a Joel; go ono daina, go Asaph tama daane a Berekiah; gai mai i dama a Merari, go Ethan tama daane a Kushaiah;