1 Chronicles 16:4 - De Beebaa Dabu

⁴ Ia ne hili ange hogi hanu daane de aamuli o Levi gi haia hegau i mada i mua o de ngavesi a Tagi Maolunga, gi dalodalo, ma de hagaahe ange de abodonu, aama de tuhi Tagi Maolunga, de Maadua o Israel.

1 Chronicles 16:4 Referans Kwoze

Psalm 106:48

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai. Gai dangada alodahi gi hai ange, “Amen!” Duuhia Tagi Maolunga!

Psalm 105:5

Manadua ana hegau hagalele mouli, ana sauaa ma ana hagamodu gu tala.

Psalm 103:2

Dogu hagasaalunga, koe gi duuhia Tagi Maolunga, gai koe gi dee ngalo dono abodonu.

Psalm 72:18

Hagadegi ina Tagi Maolunga de Maadua, de Maadua o Israel, go ia donu huu e haia hegau hagalele mouli.

Psalm 70:1

De Maadua, hagaola ina mai au; Tagi Maolunga, hagamoolau balea mai au!

Psalm 37:1

Aude manavasaa oo lodo i hiidinga o dangada e haia de baubau aabe gi lodo gaiaa ange gi gilaadeu e haia mee dee heohi;

1 Chronicles 24:3

Gai David ma Zadok, dahi aamuli o Eleazar, aama Ahimelek, dahi aamuli o Ithamar, ne hagadau bale ga vaevae ai de gau nei ga gaavange alaadeu hegau e hai.

1 Chronicles 16:8

Hagaahea ange de abodonu gi Tagi Maolunga, dalodalo i dono ingoo; daalaa dagodo ana hegau i daho denga huaahenua.

1 Chronicles 15:16

David ne hai ange hogi gi dagi o de aamuli o Levi gilaadeu gi hilia hanu olaadeu daane gi daahili i de malangilangi ma de hagadangidangi i denga harp ma lyre aama denga cymbal.

1 Kings 8:15

Gai ia ga hai ange: “Duuhia Tagi Maolunga, de Maadua o Israel, go de ia ne hagassula ina mee alodahi aana gu hagatoo donu ange gi dogu damana go David, ma de hagadaba,

Genesis 33:20

Gai ia ne bae dahi mommee o ssigidaumaha i kilaa, ga hagaingoo ange go El Elohe Israel.

Genesis 32:28

Gai ia ga hai ange, “Koe gu dee hagaingoo ange go Jacob, aagai go Israel, go hiidinga koe gu daudau ange gi de Maadua ma dangada, gai koe gu kii.”

Genesis 17:7

Gai au e hai naa dahi hagatoo donu hagaheloongoi e dee ngado mai adu gi de goe, ma doo hagadiilinga e loomai i oo dua, aama olaadeu atangada alodahi, bolo au go doo Maadua aama de Maadua o doo hagadiilinga e loomai i oo dua.

1 Chronicles 6:31

Aanei denga daane a David ne hili gi dagina denga daahili i de hale o Tagi Maolunga, i dua de dae mai o de ngavesi o de hagatoo donu hagaheloongoi gi kilaa.

1 Chronicles 16:3

Gai ia ne duha ange dagidahi duudangaa pelaoaa, ma hanu date puli, ma hanu raisin puli gi daane ma haahine alodahi o Israel.

1 Chronicles 16:5

Tagi go Asaph, togolua go Zechariah, ma Jeiel, ma Shemiramoth, ma Jehiel, ma Mattithiah, ma Eliab, ma Benaiah, ma Obed-Edom, aama Jeiel. Gilaadeu nei ne hagadangidangi i denga harp ma lyre, gai Asaph ne hagailiili denga cymbal;

1 Chronicles 25:1

Gai David ma dagi o denga daane hebagi ne hili hanu dama daane a Asaph, ma Heman aama Jeduthun gi pasa pelaabisi, ma de hagadangidangi i denga lyre ma harp aama cymbal. Aanei ingoo o denga daane ne haia hegau nei aama alaadeu hegau:

2 Chronicles 5:13

Gai denga daane e ilihia denga trumpet ma de gau daahili ne hagabuni ga tuhi ma de hagaahe ange de abodonu gi Tagi Maolunga. Gai de masavaa olaadeu ne daahili ai, ma de ili denga trumpet ga hagailiili denga cymbal aama de hagadangidangi i denga hagadaagangaa mee hagadangidangi ga tuhi Tagi Maolunga ma de hagataba, “Ia e danuaa; dono abodonu e dee helui donu” — gai de hagausinga gu hano iho ga haoli de hale o Tagi Maolunga.

Ezra 3:10

Gai ga lava huu i de hagadagodo tagelo o de temple o Tagi Maolunga, gai de gau haimeedabu ga kahu i olaadeu malo ga tuu ai ma alaadeu trumpet, gai dama daane a Asaph mai i de aamuli o Levi ne tuu hogi ma alaadeu cymbal ga tuhi Tagi Maolunga, bei de hai a David, de hodooligi o Israel, gu tala ange ai gi gilaadeu.

Nehemiah 12:24

Gai dagi o de aamuli o Levi: go Hashabiah, ma Sherebiah, ma Jeshua tama daane a Kadmiel, aama olaadeu daina e tuu laa i de baasi ange laa, e hagadau hagaahe ange ai de abodonu ma de tuhi, bei dagodo muna a David, taane o de Maadua.