1 Chronicles 15:16 - De Beebaa Dabu

¹⁶ David ne hai ange hogi gi dagi o de aamuli o Levi gilaadeu gi hilia hanu olaadeu daane gi daahili i de malangilangi ma de hagadangidangi i denga harp ma lyre aama denga cymbal.

1 Chronicles 15:16 Referans Kwoze

1 Chronicles 13:8

Gai David ma de gau Israel alodahi ne malangilangi mmao i mada luu mada o de Maadua, i de daahili ma de hagadangidangi i denga lyre, ma harp, ma tambourine, ma cymbal aama trumpet.

Nehemiah 12:36

madali ono dangada, go Shemaiah, ma Azarel, ma Milalai, ma Gilalai, ma Maai, ma Nethanel, ma Judah, ma Hanani, madali denga mee hagadangidangi a David taane o de Maadua. Gai Ezra tangada sisi e hano i olaadeu mada i mua.

2 Chronicles 5:13

Gai denga daane e ilihia denga trumpet ma de gau daahili ne hagabuni ga tuhi ma de hagaahe ange de abodonu gi Tagi Maolunga. Gai de masavaa olaadeu ne daahili ai, ma de ili denga trumpet ga hagailiili denga cymbal aama de hagadangidangi i denga hagadaagangaa mee hagadangidangi ga tuhi Tagi Maolunga ma de hagataba, “Ia e danuaa; dono abodonu e dee helui donu” — gai de hagausinga gu hano iho ga haoli de hale o Tagi Maolunga.

1 Chronicles 23:5

e haamano e hai gi ni daane hagaloosi haitoga, gai e haamano gi duuhia Tagi Maolunga ma de hagadangidangi i denga mee hagadangidangi aagu gu lava i de hagadabena ange e daahili tuhi ai.”

1 Chronicles 16:42

Heman ma Jeduthun go luu daane e dagina dangada e ilihia denga trumpet ma de hagailiili denga cymbal, ma de hagadangidangi i denga mee hagadangidangi madali denga daahili dabu. Gai denga dama daane a Jeduthun e tuu i gaogao de haitoga o de buibui.

Titus 1:5

Au ne hai goe gi noho i Crete, gai koe ga hagalava ai mee tigi lava, ma de hili denga dagi o de nohoanga dabu i denga aduhale hugadoo, bei dagu hai gu tala adu ai.

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

Acts 14:23

Gai gilaau ga hili denga dagi i dahi nohoanga dabu ma dahi nohoanga dabu, i de dalodalo ma de hagahiikai, ga gaavange gilaadeu gi Tagi Maolunga, de ia olaadeu e kai ange laa aagena.

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

Psalm 149:3

Gilaadeu gi duuhia dono ingoo i de aanu, ma de hagadangidangi i de tambourine ma de lyre.

Psalm 100:1

Henua i lalo alodahi, hevaalogi daahili ange gi Tagi Maolunga i de malangilangi.

Psalm 95:1

Loomai, gidaadeu ga daahili ange gi Tagi Maolunga i de malangilangi; gidaadeu ga hevaalogi e tuhi de Baba e hagaola ina gidaadeu.

Psalm 87:7

De gau daahili ma gilaadeu e aanu e hagataba, “Ogu saalingaa vai alodahi i oo daha.”

Psalm 81:1

Daahili ange gi de Maadua, odaadeu mahi, i de malangilangi; hevaalogi duuhia de Maadua o Jacob i de malangilangi!

Nehemiah 12:46

Madagidagi loo i de masavaa o David ma Asaph, gai e hanu e dagina de gau daahili, ma denga daahili tuhi ma de hagaahe ange ai de abodonu gi de Maadua.

Nehemiah 12:43

Gai gilaadeu ne hai denga sigidaumaha lagolago mmao i de laangi laa, ma de malangilangi, go hiidinga de Maadua gu hagamalangilangi gilaadeu i de malangilangi laumalie. Denga haahine ma gauligi gu malangilangi hogi, gai delaadeu malangilangi i Jerusalem gu langona i de mommee mmao.

2 Chronicles 30:12

Gai de Maadua ne bale ange hogi dangada e nnoho i Judah, ga hai gilaadeu gi buni i de hai mee alodahi a Tagi Maolunga gu tala i daho de hodooligi ma denga dagi o de henua.

1 Chronicles 15:12

ga hai ange gi gilaadeu, “Go goodou denga dagi o denga huaabodu i de aamuli o Levi; deenei ai, goodou ma oodou dangada gi hagagilimalali ina goodou, gi maua ai e goodou i de hulo e gaamai de ngavesi a Tagi Maolunga, de Maadua o Israel, e dugu i de mommee aagu gu hagadabena.

Exodus 15:20

Gai de pelaabisi go Miriam, taina hahine o Aaron, ne dagidagi dana tambourine i lo tono lima; gai denga haahine alodahi ga daudali ange i de ia ma alaadeu tambourine, gai gilaadeu ga hagadangidangi ma de aanu.

2 Chronicles 5:12

Gai denga daane daahili alodahi i de aamuli o Levi, go Asaph, ma Heman, ma Jeduthun, ma alaadeu dama aama olaadeu dangada, ne kahu i malo linen danuaa ga tuu ai i baasi dua o de mommee o ssigidaumaha, ma alaadeu cymbal, ma harp, ma lyre, gai e 120 hogi dangada haimeedabu e tuu madali gilaadeu e ili alaadeu trumpet.

2 Chronicles 7:6

De gau haimeedabu ne tuu i olaadeu duulanga; denga daane de aamuli o Levi ne tuu age ga poo mee hagadangidangi a Tagi Maolunga a de hodooligi go David ne hai laa e hagaahe ange ai de abodonu gi Tagi Maolunga, ma de daahili ga hai ange, “Dono abodonu e dagodo ga hano ai.” Gai de gau haimeedabu e tuu laa ma e huuhuli ange gi denga daane de aamuli o Levi ne ili alaadeu trumpet; gai de gau Israel alodahi ne tuu age hogi.

Nehemiah 12:27

Gai de masavaa ne hagadabu ai de buibui o Jerusalem, gai gilaadeu ne ssala dangada de aamuli o Levi mai i mommee alodahi olaadeu e nnoho ai laa, ga gaamai gilaadeu gi Jerusalem e hai ai taonga i de malangilangi, ma de hagaahe ange de abodonu madali denga daahili, aama de hagadangidangi i denga cymbal, ma harp, aama lyre.

Psalm 150:5

duuhia ia i de hagalongaa o denga cymbal; duuhia ia i leo o denga cymbal.

Amos 6:5

Koe e tale naa denga harp bei David ma de daahili madali denga mee hagadangidangi.

1 Chronicles 6:16

Dama daane a Levi: go Gershom, ma Kohath, aama Merari.

1 Chronicles 16:5

Tagi go Asaph, togolua go Zechariah, ma Jeiel, ma Shemiramoth, ma Jehiel, ma Mattithiah, ma Eliab, ma Benaiah, ma Obed-Edom, aama Jeiel. Gilaadeu nei ne hagadangidangi i denga harp ma lyre, gai Asaph ne hagailiili denga cymbal;

2 Chronicles 20:19

Gai denga daane de aamuli o Levi, mai i de hagadiilinga o Kohath, ma Korah, ga tuu age ga hevaalogi ga tuhi Tagi Maolunga, de Maadua o Israel.

Psalm 81:3

Ilihia de hanga manu i taonga o de duu de maasina i dai, ma de honu de maasina, ma de laangi o taadeu daonga.