1 Chronicles 14:4 - De Beebaa Dabu

⁴ Gai aanei ingoo o ana dama ne hagadili i kilaa: go Shammua, ma Shobab, ma Nathan, ma Solomon,

1 Chronicles 14:4 Referans Kwoze

Luke 3:31

Eliakim go tama daane a Melea, Melea go tama daane a Menna, Menna go tama daane a Mattatha, Mattatha go tama daane a Nathan, Nathan go tama daane a David,

Matthew 1:6

Gai Jesse ne hagadili de hodooligi go David. David ne hagadili Solomon i daho de bodu o Uriah.

1 Kings 3:3

Gai Solomon ne aloha i Tagi Maolunga, ma de daudali i muna a dono damana go David gu hagasauaa; deelaa donu huu, ia e hai ana sigidaumaha ma de dudu mee maanongi i denga mommee daumaha.

1 Kings 2:15

Ia ne hai ange, “Koe e iloo bolo niiogu donu de nohoanga hodooligi. Gai Israel alodahi ne llodo e hai au gi hodooligi. Aagai iainei gu sui denga mee, gai de nohoanga hodooligi gu gaavange gi dogu daina, go hiidinga de mee nei go Tagi Maolunga ne haia.

1 Kings 1:17

Gai ia ga hai ange gi de ia, “Dogu dangada aamua, koe ne hagatoo donu mai gi de au, doo hahine hai hegau, i de ingoo o Tagi Maolunga doo Maadua, bolo go dagu dama daane go Solomon, e gaavee doo nohoanga hodooligi.

1 Kings 1:13

Hagamoolau hannoo gi daho de hodooligi go David, hai ange gi de ia, ‘Dogu dangada aamua, koe tee hagatoo donu mai laa gi de au bolo go dagu dama daane go Solomon, e gaavee doo nohoanga hodooligi? Gai gu aha Adonijah gu kave ai laa doo nohoanga hodooligi?’

2 Samuel 12:1

Gai Tagi Maolunga ne hai Nathan gi hano gi daho David. Gai ia ne hano gi ono daha ga hai ange gi de ia, “E dogolua daane e nnoho i dahi aduhale, dahi se daane lava gai dahi se daane hagaau aloha.

2 Samuel 5:14

Aanei ingoo o denga dama a David ne hagadili i Jerusalem: go Shammua, ma Shobab, ma Nathan, ma Solomon,

1 Chronicles 14:3

Gai David ne hai bodu ange hogi gi hanu haahine i Jerusalem, ga hagadili ange ai hogi hanu dama daane ma damaa hine.

1 Chronicles 14:5

ma Ibhar, ma Elishua, ma Elpelet,