1 Chronicles 14:12 - De Beebaa Dabu

¹² Gai de gau Philistia ne tili olaadeu diinonga i kilaa, gai David ga hai ange gi ono daane gilaadeu gi duungia diinonga laa.

1 Chronicles 14:12 Referans Kwoze

Exodus 32:20

Gai ia ga kave de kaau goolo laa ga dudu ga mmili gu lligi ga hagamalili ange gi lodo vai ga hai de gau Israel gi unumia.

2 Kings 19:18

gai ne tili ange olaadeu diinonga gi lo te ahi ma gu dudu ai, go hiidinga diinonga laa e dee ni maadua abodonu, gai ni mee nii dangada ne hagatuu i laagau ma hadu. Deelaa ai, gilaadeu ne maua donu i de oha gilaadeu.

Deuteronomy 7:25

Gai goodou duungia olaadeu diinonga i de ahi; gai goodou aude nnoo ange gi denga selevaa ma goolo e hai ai diinonga laa, aabe gi gaavee mee nei e hai ai oodou goloa, kana noodia ai goodou, go hiidinga Tagi Maolunga doodou Maadua e kino mmao i mee nei.

Deuteronomy 7:5

Aagai deenei doodou hai e hai ai gilaadeu: goodou e oha olaadeu mommee o ssigidaumaha, ma de hagailiili gi maoha olaadeu duludulu hadu, ma de duuduu iho denga duludulu laagau o Asherah, aama de dudu olaadeu diinonga alodahi i de ahi.

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

2 Samuel 5:21

Gai de gau Philistia ne tili olaadeu diinonga i kilaa, gai David ma ono daane ga saabai denga diinonga laa ga kave madali gilaadeu.

1 Chronicles 14:11

Gai David ne hano gi Baal Perazim ga hagadee kii ai gilaadeu i kilaa; gai ia ga hagadaba, “De Maadua gu hagadee kii ogu hagadaumee bei dagodo o tolona e oohaa laa ga sao i de baasi laa.” Deelaa ai, de mommee laa gu hagaingoo ange go Baal Perazim.

1 Chronicles 14:13

Gai de gau Philistia ne aahe mai ange hogi ga vaivai hai dangada i lo te geelonga;

2 Kings 10:26

Gai gilaadeu ne aau mai tuludulu hadu i lo te hale daumaha o Baal ga dudu.