1 Chronicles 13:3 - De Beebaa Dabu

³ Gai gidaadeu ga hulo e hagaahe mai de ngavesi a de Maadua gi odaadeu daha, go hiidinga gidaadeu ne hagangadi mee de ngavesi laa i de masavaa o Saul.”

1 Chronicles 13:3 Referans Kwoze

1 Samuel 23:2

Deelaa ai, David ne ssili gi iloo i daho Tagi Maolunga, ga hai ange, “Ga hano au e hebagi ange gi de gau Philistia?” Gai Tagi Maolunga ga hai ange gi de ia, “Hannoo, hebagi ange gi de gau Philistia hagaola ina ai de aduhale go Keilah.”

1 Samuel 22:15

Gai e dee deenei donu huu tahi hanonga, aagu ne dalodalo ange ai gi de Maadua i ono hiidinga. De hodooligi, koe gi dee dau ina mai dahi mee gi de au, doo dangada hai hegau, ma dogu huaabodu alodahi. Gai au tigi iloo donu dagodo o mee nei alodahi.”

1 Samuel 22:10

Gai Ahimelek ne dalodalo ange gi Tagi Maolunga i ono hiidinga, ma de gaavange gi de ia hanu gai aama de gadilaasa a Goliath, taane Philistia.”

1 Samuel 14:36

Gai a Saul ne hai ange, “Gidaadeu ga hulo e hebagi ange gi de gau Philistia aaboo nei, ga gaiaa alaadeu mee ga dae ai gi de sula age de maalama i taiao; gidaadeu e dee dugu donu dahi dangada daudahi gi ola.” Gilaadeu ne hai ange, “Haia be se aha aau e maanadu bolo e danuaa.” Aagai tangada haimeedabu ga hai ange, “Gidaadeu ga ssili i mua gi iloo i daho de Maadua.”

1 Samuel 14:18

Gai a Saul ga hai ange gi Ahijah, “Gaamai de ngavesi a de Maadua gi kinei.” (De masavaa laa gai de ngavesi a de Maadua e dagodo i daho de gau Israel.)

Psalm 132:6

Tilo, gimaadeu ne langona i Ephrathah; gai gimaadeu ne gidee i lo te duu malaelae o Jaar:

1 Chronicles 13:2

Gai ia ga hai ange gi de hagabuulingaa dangada o Israel, “Noo e danuaa mai i oodou daha, gai se hagatau mai i daho Tagi Maolunga, taadeu Maadua, gai gidaadeu ga aalu odaadeu daina alodahi i denga vaaenga o Israel, ma de gau haimeedabu, ma de aamuli o Levi, e nnoho laa madali gilaadeu i olaadeu aduhale ma olaadeu mommee iai helii, gilaadeu gi loomai gi hagabuni madali gidaadeu.

1 Chronicles 13:4

Gai dangada alodahi gu hagabuni laa gu buni e hai de hegau laa, go hiidinga dangada alodahi gu malangilangi i de mee laa.

1 Chronicles 15:13

Go hiidinga goodou tee hagauda de ngavesi laa i de hanonga i taamada, deelaa ai, Tagi Maolunga taadeu Maadua ne bole ga hai baasi mai gi gidaadeu. Gidaadeu tee ssili hogi i ono daha dono hai e hai ai.”