1 Chronicles 12:8 - De Beebaa Dabu

⁸ Hanu daane Gad ne loomai ga dau ange gi David i de mommee buibui makaga i lodo henua. Gai gilaadeu ni daane mmahi ma de dau i de hebagi, gai e aabo i de hebagi i de mee hungihungi ma tao. Olaadeu mada e hagamaatagu bei mada o denga laiono, gai e kemo bei denga gazelle i ulu mounga.

1 Chronicles 12:8 Referans Kwoze

2 Samuel 2:18

Gai e dogodolu dama daane a Zeruiah i kilaa: go Joab, ma Abishai, aama Asahel. Gai Asahel se daane gemo i de savini bei dagodo o de gazelle lodo henua.

2 Samuel 23:20

Gai Benaiah, tama daane a Jehoiada, ia se daane aabo i de hebagi mai i Kabzeel, gai ne lagolago hogi ana hegau danuaa ne hai. Ia ne daa ga maakau e dogolua daane mmahi o Moab. Gai ia ne iho hogi gi lo te geelonga ga daa dahi laiono i de masavaa e loiho ai denga snow.

2 Samuel 17:10

Gai denga daane mmahi, go gilaadeu e llodo mmahi bei dahi laiono, e maatagu naa hogi, go hiidinga de gau Israel alodahi e iloo bolo doo damana se daane e dau i de hebagi, gai denga daane madali ia ni daane mmahi.

Jeremiah 46:9

Denga hoosa, goodou saavini! Denga hada hebagi, goodou hakemo! Gai daane dau o de hebagi gi seesee gi hulo; denga daane o Ethiopia ma Put e sabaia laa denga mee hungihungi, ma daane o Lydia e dilia laa denga mee hholu.

Song of Songs 8:14

Dogu dau soa, hagamoolau humai, bei dagodo o dahi gazelle aabe go dahi dia daane gauligi i honga denga mounga o mee hagamaanongi.

Proverbs 28:1

Tangada baubau e savini naa ga hano, e dee galemu donu teai dangada e dolohia ia, aagai tangada heohi e lo taane bei de laiono.

Proverbs 6:5

Hagaola ina goe, bei dagodo o dahi dia e ola mai laa i tangada dili manu, ma de manu lele e ola mai laa i ssele a tangada dili manu.

2 Chronicles 25:5

Gai Amaziah ne hagabuni dangada o Judah, ga vaevae dangada i denga hagadiilinga, ga hili denga dagi o de mano ma dagi o de lau i Judah ma Benjamin alodahi. Gai ia ne dau denga daane gu dagimadalua olaadeu ngadau ga hanage ai, gai se doluseguli daane e maua i de hulo e hebagi, ma de aabo i de hebagi i tao ma de mee hungihungi.

1 Chronicles 12:16

E hanu hogi daane de aamuli o Benjamin ma de aamuli o Judah ne hulo gi daho David i dono mommee buibui makaga.

1 Chronicles 11:22

Gai Benaiah, tama daane a Jehoiada, ia se daane abo i de hebagi mai i Kabzeel, gai ne lagolago ana hegau danuaa ne hai. Ia ne daa ga maakau e dogolua daane mmahi o Moab. Ia ne iho hogi gi lo te geelonga ga daa ai dahi laiono i de masavaa e loiho ai denga snow.

1 Chronicles 11:16

De masavaa laa gai David e noho i lo te mommee buibui makaga, gai denga daane hebagi o Philistia e nnoho i Bethlehem.

2 Samuel 1:23

Saul ma Jonathan ni daane niio dangada e aaloha ai aama de mahamaha, gai gilaau tee mavaevae donu i delaau maakau. Gilaau e kemo ange i denga igele, gai e mmahi ange i denga laiono.

1 Samuel 24:22

Gai David ga hagatoo donu ange gi a Saul. Gai a Saul ga ahe ai loo gi dono hale, aagai David ma ono daane ne loage ga nnoho i lo te mommee makaga.

1 Samuel 23:29

Gai David ne hano gee mai i kilaa, ga hano ga noho i lodo mommee makaga o En Gedi.

1 Samuel 23:14

Gai David ne noho i lodo mommee makaga i de vao, ma mommee iai mounga i de vao o Ziph. Laangi alodahi gai a Saul ne ssala ia, aagai de Maadua tee dugu ange David gi de ia.

1 Chronicles 12:7

ma Joelah ma Zebadiah, luu dama daane a Jeroham mai i Gedor.

1 Chronicles 12:9

Tagi go Ezer, togolua go Obadiah, togodolu go Eliab,