1 Chronicles 10:9 - De Beebaa Dabu

⁹ Gai gilaadeu ga hagaui ono malo ga tuu dono ua ma de kave ono goloa hebagi, gai gilaadeu ga hai hanu dangada i de henua o de gau Philistia gi hagadele ina ange ai de longo danuaa laa gi olaadeu diinonga ma olaadeu dangada.

1 Chronicles 10:9 Referans Kwoze

Matthew 14:11

Gai dono biho gu gaamai i honga dahi gumedi baabaa ga gaavange gi tamaa hahine laa, gai ia ga kave ga gaavange gi dono dinana.

Daniel 5:23

Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

1 Chronicles 10:4

Gai a Saul ne hai ange gi taane e sabaia ono goloa hebagi, “Haia dau gadilaasa velosia ai au gi magau, gi dee loomai ai denga daane tigi tuu dagaholiage naa gi vaivai hai au.” Aagai taane laa e dee sabala, go hiidinga ia gu madagu. Gai a Saul ga hai dana gadilaasa ga velo ai donu huu ia.

2 Samuel 1:20

Goodou gi dee daalaa mee nei i Gath, gai gi dee hagadele ina i honga haiava i Ashkelon, gi dee malangilangi ai de gau Philistia; gi dee lodo danuaa ai gilaadeu tigi tuu dagaholiage.

1 Chronicles 10:8

De laangi i ono dua, i de masavaa a de gau Philistia ne loomai ai e kave goloa o de gau maakau, gai gilaadeu gu gidee a Saul ma ana dama daane gu maakau i honga de mounga go Gilboa.

1 Chronicles 10:10

Gai gilaadeu ne kave goloa hebagi o Saul ga hhao gi lo te hale daumaha o olaadeu diinonga, gai ga daudau age dono biho i lo te hale daumaha o Dagon.